اجیت اگرکر کو گزشتہ روز سلیکشن کمیٹی کے چیئرمین کی ذمہ داری سونپی گئی تھی
٠٦ جولائی ٢٠٢٣
بھارتی کرکٹ بورڈ (بی سی سی آئی) نے نئے چیف سلیکٹر اجیت اگرکار کی تنخواہ 3 کروڑ روپے سالانہ کردی۔
بھارتی میڈیا کی رپورٹس کے مطابق گزشتہ روز سابق بھارتی فاسٹ بولر اجیت اگرکر کو ورلڈکپ سے قبل سلیکشن کمیٹی کے چیئرمین کی ذمہ داری سونپی گئی تھی۔
سابق چیف سلیکٹر چیتن شرما کی جانب سے اسٹنگ آپریشن میں کھلاڑیوں پر الزام عائد کیا گیا تھا کہ پلئیرز خود کو فٹ رکھنے کے لئے انجکشن لگاتے ہیں، جس کے بعد انہیں آسٹریلیا میں شیڈول ٹی20 ورلڈکپ کے بعد عہدے سے برطرف کردیا گیا تھا۔
اس سے قبل چیف سلیکٹر کی تنخواہ ایک کروڑ بھارتی روپے تھی جبکہ جوشیو سندر داس، سبروتو بنرجی، سلیل انکولا اور سریدھرن شرتھ بھی کمیٹی کا حصہ ہیں جن کی تنخواہیں 90 لاکھ روپے سالانہ دیئے جارہے ہیں۔
واضح رہے کہ بی سی سی آئی نے کرکٹ ایڈوائزری کمیٹی (سی اے سی) نے مینز سلیکشن کمیٹی میں سلیکٹر کے عہدے کیلئے درخواست دہندگان کا انٹرویو لیا تھا، جس نے اجیت اگرکر کے نام کو فائنل کیا۔
.jpg)
