بھارتی کرکٹ بورڈ نے خواتین کرکٹرز کو مرد کرکٹرز کے برابر بین الاقوامی میچ فیس ادا کرنے کا اعلان کردیا۔
٢٧ اکتوبر ٢٠٢٢
بی سی سی آئی کے سیکریٹری جے شاہ نے ٹوئٹر پر جاری اپنے بیان میں کہا کہ 'مجھے یہ بتاتے ہوئے بہت خوشی محسوس ہورہی ہے کہ امتیازی تفریق سے نمٹنے کے لیے ہم نے پہلا قدم اٹھایا ہے، ہم اپنی خواتین کرکٹرز کے لیے مساوی فیس کی پالیسی نافذ کررہے ہیں۔
جے شاہ کا کہنا تھا کہ صنفی مساوات کے اس نئے دور میں اب مرد اور خواتین کرکٹرز کی میچ فیس ایک جیسی ہوگی۔
جے شاہ نے ٹیسٹ، ون ڈے اور ٹی ٹوئنٹی کی میچ فیس کا بھی اعلان کیا اور انہوں نے بتایا کہ ٹیسٹ میچز کی 15 لاکھ بھارتی روپے، ون ڈے کی 6 لاکھ جب کہ ٹی ٹوئنٹی میچز کی 3 لاکھ روپے فیس ہوگی۔
انہوں نے مزید کہا کہ 'میں نے مساوی تنخواہ کے حوالے سے اپنی خواتین کرکٹرز سے وعدہ کیا تھا جسے پورا کردیاگیا ہے'۔
.jpg)
