کرکٹ کی دنیا میں اس نئی کٹ کو عجیب تجربہ قرار دیتے ہوئے تنقید ہو رہی ہے۔
١٨ جولائی ٢٠٢٣
بھارتی کرکٹ ٹیم کی نئی ٹیسٹ کٹ پر انگلیاں اٹھنے لگیں جس میں نیلی پٹیاں نمایاں ہیں۔
بھارتی ٹیم کی ٹیسٹ کٹ متنازع ہوگئی ہے جس پر ہر طرف سے تنقیدی نگاہیں اور انگلیاں اٹھنے لگیں، کچھ عرصے قبل طویل فارمیٹ کی کرکٹ میں بغیر کسی ڈیزائن کے سفید کٹ پہنی جاتی تھی، بعد ازاں اس میں اسپانسر کمپنیوں کے لوگوز لگانے کی اجازت مل گئی، پھر پلیئرز نمبر متعارف ہوئے۔
بھارت نے ایک قدم اور آگے بڑھتے ہوئے ویسٹ انڈیز کیخلاف ٹیسٹ میچ میں ایک ایسی کٹ استعمال کی جس میں شرٹ اور ٹرائوزر دونوں پر نیلی پٹیاں نمایاں ہیں، یہ ایک مشہور برانڈ کی پہچان ہیں،بھارتی ٹیم اسی اسپانسر کی تشہیر کررہی ہے مگر کرکٹ کی دنیا میں اس کو عجیب تجربہ قرار دیتے ہوئے ہر طرف سے تنقید ہو رہی ہے۔
ایک آسٹریلوی براڈ کاسٹر نے لکھا مجھے یقین نہیں آتا کہ بھارتی ٹیم نے ٹیسٹ کرکٹ میں اس طرح کا یونیفارم استعمال کیا، پریس کانفرنس اور بس میں سفر کے لیے تو یہ کٹ ٹھیک ہے لیکن میچ میں اس طرح کی کٹ کو نظر نہیں آنا چاہیے۔
.jpg)
