کرائسٹ چرچ: بھارتی فاسٹ بولر جسپریت بھمرا کی نیوزی لینڈ میں کمر کی سرجری ہوئی ہے جس کے بعد وہ مزید 6 ماہ کے لئے میدان باہر ہوگئے ہیں جبکہ انڈین پریمئیر لیگ بھی کھیلنے سے قاصر رہیں گے۔
٠٨ مارچ ٢٠٢٣
بھارتی میڈیا کی رپورٹس کے مطابق گزشتہ سال ستمبر سے انجری کا شکار ہونے والے بھارتی فاسٹ بولر جسپریت بھمرا سال ٹی20 ورلڈکپ 2022، ایشیاکپ کھیلنے سے محروم رہے تاہم اب کمر کی سرجری کے بعد آئی پی ایل بھی نہیں کھیل سکیں گے کیونکہ انہیں مزید 6 ماہ آرام کرنے کا مشورہ دیا گیا ہے۔
رپورٹس میں انکشاف کیا گیا ہے کہ بھمرا کی بھارت میں شیڈول آئی سی سی ورلڈکپ 2023 میں شمولیت پر بھی سوالیہ نشان لگ گیا ہے۔
نیوزی لینڈ کے شہر کرائسٹ چرچ میں فاسٹ بولر کی کمر کی سرجری ہوئی ہے اور صحت یابی کی مدت اب انہیں کم از کم چھ ماہ تک کرکٹ ایکشن سے باہر کر دے گی جبکہ صحت یابی کے بعد انہیں فٹنس ٹیسٹ پاس کرنا ہوگا کیونکہ آئی سی سی ورلڈکپ میں انکی شمولیت کے امکان بھی کھٹائی میں پڑتے دکھائی دے رہے ہیں۔
دوسری جانب اسپتال انتظامیہ نے بھمرا کی سرجری کے حوالے سے کوئی بھی بیان دینے سے انکار کردیا ہے، عہدیدار کا کہنا ہے کہ بی سی سی آئی کو معاملے سے آگاہ کردیا ہے۔
.jpg)
