کراچی: پاکستان ویمن کرکٹ ٹیم کی سابق کپتان بسمہ معروف پر پی سی بی کے ضابطہ اخلاق کی خلاف ورزی پر میچ فیس کا 20 فیصد جرمانہ عائدکردیا گیا۔
٣٠ مئی ٢٠٢٣
PCB
تفصیلات کے مطابق پاکستان ویمنز کپ میں ڈائنا مائٹس کی طرف سے کھیلتے ہوئے امپائر کے فیصلے پر ناراضگی کا اظہار کرنے والی سینئر بیٹر بسمہ معروف پی سی بی کے ضابطہ اخلاق کے لیول ون کے آرٹیکل 2.8 کی خلاف ورزی کی مرتکب پائی گئیں۔
پی سی بی کے ضابطہ اخلاق کی خلاف ورزی پر بسمہ معروف پر میچ فیس کا20فیصد جرمانہ عائد کر دیا گیا، میچ امپائرز آل حیدر اور صباحت رشید کی رپورٹ پرمیچ ریفری محمد انیس کا فیصلہ بسمہ معروف نے تسلیم کرلیا۔
واضح رہے کہ بلاسٹرز کے خلاف میچ میں بلے بازی کرتی ہوئی بسمہ معروف 40 ویں اوورمیں صبا نذیر کی گیند پر ایل بی ڈبلیو آئوٹ ہوگئی تھیں تاہم انہوں نے ایل بی ڈبلیو قرار دیے جانے پر ایمپائر کے فیصلے پر ناراضگی کا اظہار کیا تھا جس کے نتیجے میں ان پر جرمانہ عائد کیا گیا۔
.jpg)
