news
English

بالی ووڈ اسٹارسنجے دت بھی وسیم اکرم کی سوئنگ بولنگ کے گُن گانے لگے

دبئی میں تقریب کے دوران بالی ووڈ اسٹار نے سابق کرکٹر کی تعریفوں کے پُل باندھ دیئے۔

بالی ووڈ اسٹارسنجے دت بھی وسیم اکرم کی سوئنگ بولنگ کے گُن گانے لگے

بالی ووڈ اسٹار سنجے دت بھی سابق کپتان و سوئنگ کے سلطان وسیم اکرم کے مداح نکلے۔ 
متحدہ عرب امارات میں جاری انٹرنیشنل ٹی20 لیگ (آئی ایل ٹی) میں کمنٹری کے فرائض سرانجام دینے والے قومی ٹیم کے سابق کپتان وسیم اکرم اور بالی ووڈ اسٹار سنجے دت ایک ایونٹ میں شریک تھے، جہاں تقریب میں بھارتی اداکار نے وسیم اکرم کے ساتھ بلائے جانے کو اپنے لیے اعزاز قرار دیا۔ 
انہوں نے کہا کہ کئی سالوں سے وسیم اکرم کو جانتا ہوں، میں نے اپنی زندگی میں جو بہترین کرکٹرز دیکھے یہ ان میں سے ایک ہیں اور وہ واقعی کرکٹ کے بھگوان ہیں۔  
دورانِ تقریب سجے دت نے سابق کرکٹر کی سوئنگ بولنگ کی تعریف کرتے ہوئے کہا کہ ان کی بولنگ سے واقعی بلےباز ڈرتے تھے۔  
واضح رہے کہ ٹیسٹ اور ون ڈے میں دو، دو ہیٹ ٹرکس کا اعزاز حاصل کرنے والے وسیم اکرم نے 104 ٹیسٹ میچوں میں پاکستان کی نمائندگی کرتے ہوئے 414 وکٹیں حاصل کیں جبکہ 1996 اور 1999 میں ورلڈکپ کے دوران پاکستان کی قیادت کے فرائض بھی سرانجام دیئے۔ 
سابق کپتان نے ون ڈے فارمیٹ میں پاکستان کی نمائندگی کرتے ہوئے 356 میچز میں 502 وکٹیں حاصل کررکھی ہیں اور وہ آئی سی سی ہال آف فیم میں بھی شامل ہیں۔