لیجنڈ بلے باز نے سماجی رابطے کی ویب سائٹ، فیس بک پر سنجے دت کی ویڈیو شیئر کی۔
١٢ جولائی ٢٠٢٣
معروف بھارتی اداکار سنجے دت نے قومی ٹیم کے سابق ٹیسٹ کپتان جاوید میانداد کو سلام پیش کرتے ہوئے ان سے جلد ملاقات کی خواہش کا اظہار کیا ہے۔
اپنے دور کے لیجنڈ پاکستانی بلے باز نے سماجی رابطے کی ویب سائٹ فیس بک پر بالی ووڈ اسٹارسنجے دت کی ویڈیو شیئر کی۔
ویڈیو میں بابا کے نام سے مشہور بھارتی اداکار سنجے دت نے جاوید میانداد کی ایک ویڈیو پر اپنی پسندیدگی کا اظہار کیا اور کہا کہ جاوید بھائی بہت دن کے بعد اپ کو دیکھا تو بہت اچھا لگا اور مزہ آیا۔
بالی ووڈ اداکار نے توقع ظاہر کی کہ اگلے ماہ اگست میں لنکا پریمیئر لیگ کے موقع پر سری لنکا کے شہرکینڈی میں ان کی ملاقات ہوگی۔
.jpg)
