news
English

آسٹریلوی کرکٹرکا گردوں کی لاعلاج بیماری میں مبتلا ہونےکا انکشاف

  پرتھ: آسٹریلوی آل راؤنڈر کیمرون گرین نے بچپن سے ہی گردوں کی ناقابل علاج بیماری میں مبتلا ہونے کا انکشاف کیا ہے۔

آسٹریلوی کرکٹرکا گردوں کی لاعلاج بیماری میں مبتلا ہونےکا انکشاف

غیرملکی میڈیا کو انٹرویو میں آسٹریلوی آل راؤنڈر کیمرون گرین نے بتایا کہ ’وہ پیدائشی طور پر گردوں کی ایک لاعلاج بیماری میں مبتلا ہیں جس کا پانچواں مرحلہ ڈائیلاسز یا ٹرانسپلانٹ ہے۔ وہ اس وقت دوسری اسٹیج پر ہیں اور ان کے گردے 60 فیصد کام کررہے ہیں‘۔ 
انہوں نے بتایا کہ ’ڈاکٹروں نے میرے والدین کو میری پیدائش کے وقت بتایا تھا کہ میں زیادہ عرصہ زندہ نہیں رہوں گا۔ ایک مرحلے پر اس بیماری نے میری متوقع عمر 12 سال کردی تھی‘۔
  
انہوں نے بتایا کہ ’یہ بیماری میرے کرکٹ کیریئر کو بھی متاثر کررہی ہے کیونکہ مجھے درد کا سامنا رہتا ہے جبکہ کھانے میں نمک اور پروٹین کی مقدار بھی کم رکھنی پڑتی ہے جو ایک کرکٹر کیلئے اچھی چیز نہیں، ساتھی کرکٹرز اور کوچنگ اسٹاف کو اپنی طبی حالت سے آگاہ کردیا ہے۔‘ 
سال 2020 میں ڈیبیو کرنے والے 24 سالہ فاسٹ بولر اور آل راؤنڈر کیمرون گرین آسٹریلیا کیلئے اب تک 24 ٹیسٹ، 23 ون ڈے اور آٹھ ٹی ٹوئنٹی میچز کھیل چکے ہیں۔  
کیمرون گرین بھارت کو آئی سی سی ورلڈ کپ 2023 میں شکست دینے والے آسٹریلوی اسکواڈ کا بھی حصہ تھے اس کے علاوہ وہ پاکستان کے خلاف جاری پرتھ ٹیسٹ کا بھی حصہ ہیں۔