چیمپئینز ٹرافی: آئی سی سی وفد کا قذافی اسٹیڈیم کا دورہ بھی مکمل  

سال 2025 میں فروری اور مارچ کے مہینے میں شیڈول آئی سی سی چیمپئنز ٹرافی کے انتظامات کا جائزہ لینے کیلئے پاکستان میں موجود آئی سی سی وفد نے پی سی بی کے ہیڈ کوارٹر قذافی اسٹیڈیم کا دورہ بھی مکمل کرلیا۔ 
سینئیر مینجرایونٹ آپریشنزسارا ایڈگراورمینجرایونٹ آپریشنز عون محمد زیدی نے تاریخی قذافی اسٹیڈیم کے مین گراونڈ،ڈریسنگ رومز، میڈیا سہولیات اوردوسرے انتطامات کا جائزہ لیا۔ 
گراونڈ میں موجود ڈیجیٹل اسکرین، وی وی آئی پی باکسز اور ہوٹل سے اسٹیڈیم تک کے روٹ کا بھی معائنہ کیا، وفد آج ہی اسلام آباد پہنچے گا، جہاں آخری مرحلے میں بدھ کےروز راولپنڈی اسٹیڈیم کا وزٹ رکھا گیا ہے۔ 
آئی سی سی کے سربراہ ہیڈ آف ایونٹس کرس ٹیٹلی بھی کل اسلام آباد پہنچ رہے ہیں، وفد کی پی سی بی سربراہ اور وزیر داخلہ محسن نقوی سے ملاقات طے ہے۔ وفد واپسی کے بعد اپنی رپورٹ آئی سی سی کو جمع کرائے گا، جس کے بعد رپورٹ ممبر ممالک کے ساتھ بھی شیئر کی جائے گی۔ 
قبل ازیں آئی سی سی وفد نے پہلے مرحلے میں نیشنل اسٹیڈیم کراچی کا دورہ کیا تھا۔ ذرائع کا کہنا ہے کہ وفد پی سی بی کی تیاریوں اور انتظامات سے مطمن ہے۔ 
دوسری جانب پی سی بی سربراہ محسن نقوی بھی آئی سی سی چیمپئنز ٹرافی کی شیڈول کے مطابق پاکستان میں ہی کرائے جانے کاعندیہ دے چکے ہیں۔