شائقین کرکٹ کی بورڈ پر کڑی تنقید، دیگر کھلاڑیوں کے وائرس میں مبتلا ہونے کا خدشہ۔
ویسٹ انڈیز کیخلاف پہلے ون ڈے انٹرنیشنل میچ سے قبل آسٹریلوی کرکٹر جوش انگلس کا کوویڈ19 کا شکار ہوگئے۔
کرکٹ آسٹریلیا کے مطابق آسٹریلوی وکٹ کیپر بیٹر جوش انگلس کورونا وائرس کا شکار ہیں تاہم وہ میچ کا حصہ ہوں گے لیکن انہیں کھلاڑیوں ساتھ (فاصلہ) رکھنا ہوگا جبکہ وہ الگ ڈریسنگ روم میں قیام کریں گے۔
کووڈ19 کے شکار کرکٹر کو کھلائے جانے پر سوشل میڈیا پر شائقین آسٹریلوی بورڈ پر کڑی تنقید کررہے ہیں، ان کا کہنا ہے کہ اس عمل سے دیگر کھلاڑیوں کے بھی کورونا وائرس میں مبتلا ہونے کے خدشات بڑھ جائیں گے۔
واضح رہے کہ یہ تیسری مرتبہ ہوا ہے کہ کرکٹ آسٹریلیا نے کووڈ کا شکار ہونے والے پلئیر کو میچ کھیلنے کی اجازت دی ہے۔