news
English

پی ایس ایل9: پک نہ کرنے پر احمد شہزاد نے لیگ سے راہیں جدا کرلیں

تمام 6 فرنچائزز نے مجھے لیگ سے باہر رکھنے کے لیے اتحاد کرلیا ہے، کرکٹر کا الزام

پی ایس ایل9: پک نہ کرنے پر احمد شہزاد نے لیگ سے راہیں جدا کرلیں

پاکستان سپر لیگ (پی ایس ایل) کے نویں ایڈیشن میں کسی بھی فرنچائز کی جانب سے پک نہ کیے جانے پر احمد شہزاد نے لیگ سے راہیں جدا کرنے کا اعلان کردیا۔ 
سماجی رابطے کی ویب سائٹ ٹوئٹر (ایکس) پر ٹوئٹ کرتے ہوئے سینئیر کرکٹر احمد شہزاد نے لکھا کہ ڈومیسٹک کی سطح پر پرفارم کرنے کے باوجود پی ایس ایل9 میں منتخب نہیں کیا گیا، اس سلوک کے بعد اب دوبارہ لیگ کھیلنے کا کوئی ارادہ نہیں رکھتا۔ 
انہوں نے فرنچائزز پر الزام عائد کیا کہ لگتا ہے تمام 6 فرنچائزز نے مجھے لیگ سے باہر رکھنے کے لیے اتحاد کرلیا ہے، پاکستان کے لیے کھیلنا ہمیشہ اولین ترجیح رہی ہے، پیسے کی خاطر کبھی نہیں کھیلا۔،،  
کرکٹر نے کہا کہ غیر ملکی لیگز سے پیشکش آنے کے باوجود ڈومیسٹک کو ترجیع دی، اس سے بڑھ کر ملک کی محبت کیا ثبوت ہوسکتا ہے۔ 
 
انہوں نے مزید کہا کہ میرے فینز اور کرکٹ کے کھیل سے پیار کرنے والے جلد جان لیں گے کہ مجھے کیوں پی ایس ایل سے دور رکھا جارہا ہے۔،،