قومی کرکٹ ٹیم کے مڈل آرڈر بلے باز عمر اکمل نے سابق کرکٹرز کو خبردار کیا ہے کہ اگر مداحوں کو پاکستان کے سینئرز کھلاڑیوں کے بارے میں راز بتادیئے تو وہ کرکٹ دیکھنا ہی چھوڑ دیں گے۔
١٩ اپریل ٢٠٢٣
یوٹیوبر نادر علی کے پروگرام میں انٹرویو دیتے ہوئے طویل عرصے سے قومی ٹیم سے باہر مڈل آرڈر بلے باز عمر اکمل کا کہنا تھا کہ اگر کچھ لوگوں نے الزامات لگانا بند نہ کیے تو وہ بھی ان کے رازوں سے پردہ اٹھائیں گے، جس سے ساتھیوں اور اہلخانہ کو بھی تکلیف ہوسکتی ہے۔
انہوں نے کہا کہ ہمارے لوگ بہت معصوم ہیں اور کرکٹ دیکھنا پسند کرتے ہیں، میں کسی کا نام نہیں لے رہا کیونکہ ان کا احترام کرتا ہوں لیکن یہ راز کھل گئے تو لوگ کرکٹ دیکھنا چھوڑ دیں گے۔
عمر اکمل نے پاکستان کی نمائندگی کرتے ہوئے انٹرنیشنل کرکٹ میں اپنے شاٹس کی بہتات سے بہترین گیند بازوں کو بھی گھنٹنوں پر لاکھڑا کیا تھا، انہوں نے 16 ٹیسٹ میچز میں 1 ہزار 3 رنز، 121 ون ڈے میں 3 ہزار 194 رنز جبکہ ٹی20 فارمیٹ کے 84 میچوں میں 1 ہزار 690 رنز بنارکھے ہیں۔
واضح رہے کہ عمر اکمل آف دی فیلڈ مختلف تنازعات اور اپنی پرفارمنس کی وجہ سے ٹیم میں مستقل جگہ بنانے میں ناکام رہے۔
.jpg)
