زمبابوے کی ٹی10 لیگ زم افرو کے ابتدائی ایڈیشن میں پانچ ٹیمیں کھیلیں گی جو ٹورنامنٹ میں حصہ لیں گی
٠٤ جولائی ٢٠٢٣
زمبابوے کی ٹی10 لیگ زم افرو کے لئے قومی کرکٹ ٹیم کے سابق فاسٹ بولر محمد عامر نے افتتاحی ایڈیشن میں شرکت کی غرض سے ڈربن قلندرز کو جوائن کرلیا۔
میڈیا رپورٹس کے مطابق ٹی10 لیگ مقبول فرنچائز ڈربن قلندرز نے محمد عامر کے علاوہ آصف علی، طیب عباس، طاہر بیگ جبکہ غیر ملکی کھلاڑیوں میں کریگ ارون، ہلٹن کارٹ رائٹ، ٹم سیفرٹ جیسے کرکٹر کو اسکواڈ میں شامل کیا ہے۔
دریں اثنا قومی کرکٹ ٹیم کے فاسٹ بولر شاہنواز دھانی نے بھی ٹورنامنٹ میں ہریکینز کے ساتھ معاہدہ کیا ہے، جو بھارتی اداکار سجنے دت کی مشترکہ ملکیت ہے۔
دوسری جانب سابق کرکٹر محمد حفیظ اور عثمان شنواری جوہانسبرگ بفیلوز کی ٹیم کا حصہ بنے ہیں۔
زمبابوے کی ٹی10 افرو لیگ کے ابتدائی ایڈیشن میں پانچ ٹیمیں حصہ لیں گی، جس میں ڈربن قلندرز، کیپ ٹاؤن سیمپ آرمی، بلاوایو بریوز، ہرارے ہریکینز اور جوہانسبرگ بفیلوز شامل ہیں۔
.jpg)
