انگلش ٹیم نے اپنے تجربہ کار فاسٹ بولر جیمزاینڈرسن کوایشزسیریز کے چوتھے ٹیسٹ کے لیے واپس بلا لیا ہے۔
١٨ جولائی ٢٠٢٣
انگلینڈ نے ایشز سیریز جیتنے کی غرض سے اپنے اہم فاسٹ بولرجیمزاینڈرسن کو دوبارہ بلا لیا ہے۔
انگلینڈ نے بدھ سے اولڈ ٹریفورڈ میں شروع ہونے والے آسٹریلیا کے خلاف ایشزسیریز کے چوتھے ٹیسٹ میچ کے لیے 40 سالہ جیمز اینڈرسن کو دوبارہ اسکواڈ میں شامکل کرلیا ہے۔
انگلش ٹیم کے مایہ ناز بولر جیمزاینڈرسن کے پاس اب تک کی سب سے زیادہ ٹیسٹ وکٹیں ہیں، انہوں نے سیریز کے پہلے دو میچوں میں 226 رنز کے عوض صرف تین وکٹیں حاصل کی تھیں۔
ایشزسیریز میں کوئی خاطر خواہ کارکردگی نہ دکھانے پر تیسرے ٹیسٹ میں جیمز اینڈرسن کو ڈراپ کر کے مارک ووڈ اور کرس ووکس کو شامل کیا گیا تھا۔
انگلش بلے باز معین علی تیسرے نمبر پر بیٹنگ کریں گے جیسا کہ انہوں نے ہیڈنگلے میں دوسری اننگز میں کیا تھا جس کے باعث ہیری بروک کو پانچویں نمبر پر برقرار رہنے دیا گیاتھا۔
انگلینڈ کو 2015 کے بعد پہلی بار ایشز جیتنے کے لیے باقی دونوں ٹیسٹ جیتنے ہوں گے۔ آسٹریلیا کی ایک اور جیت سے مہمان ٹیم 2001 کے بعد پہلی بار انگلینڈ میں سیریز جیتتی نظر آئے گی۔
.jpg)
