فہیم اشرف کو اس وقت اسکواڈ میں شامل کیا گیا جب پاکستان نے بنگلہ دیش کے خلاف سپر 4 میچ کے لیے پلیئنگ الیون کا اعلان کیا۔
٠٦ ستمبر ٢٠٢٣
آل راؤنڈر محمد نواز کو بنگلادیش کے خلاف میچ میں آرام کا موقع دیا گیا ہے اور ان کی جگہ فہیم اشرف کو اسکواڈ میں شامل کیا گیا ہے۔
تفصیلات کے مطابق پاکستان کرکٹ بورڈ (پی سی بی) نے بنگلہ دیش کے خلاف ہونے والے ایشیاءکپ میں سپرفورمرحلے کے میچ کیلئے 11 رکنی حتمی ٹیم کا اعلان کردیا۔ پاکستان کرکٹ بورڈ نے بنگلہ دیش کے خلاف پلیئنگ الیون میں ایک تبدیلی کی ہے۔ آل راؤنڈر محمد نواز کو اسکواڈ سے نکال کر فاسٹ بولر اور آل راؤنڈر فہیم اشرف کو ٹیم میں شامل کیا گیا ہے۔
پاکستان اور بنگلہ دیش کے درمیان ایشیاءکپ سپر 4 مرحلے کا پہلا میچ قذافی اسٹیڈیم لاہور میں آج کھیلا جائے گا۔
واضح رہے کہ پاکستان ایشیاءکپ کے سپر فور مرحلے کیلئے کوالیفائی کرچکا ہے، قومی ٹیم نے اب تک دو میچ کھیلے ہیں جن میں سے پہلے میں گرین شرٹس نے نیپال کو شکست دی جبکہ دوسرا میچ بھارت کے خلاف تھا جو بارش کی وجہ سے بغیر کسی نتیجے کے ختم ہوگیا تاہم دونوں ٹیموں کو ایک ایک پوائنٹ دے دیا گیا۔
.jpg)
