فائنل میں شکست، شریاس ائیرکی بہن کا بھائی کیلئےجذباتی پیغام وائرل  

آسٹریلیا کے ہاتھوں ہوم گراؤنڈ پر ورلڈ کپ 2023 کے فائنل میں شکست کے بعد بھارتی کھلاڑیوں کی بیویاں اور اہل خانہ ٹیم کو سپورٹ کرنے لگے۔
سماجی رابطے کی ویب سائٹ انسٹاگرام پر بھارتی کرکٹ ٹیم کے پلئیر شریاس ائیر کی بہن شریستا نے بھائی کو جذباتی انداز میں خراج تحسین پیش کرتے ہوئے لکھا کہ میرے بھائی اور اس کی ٹیم کے لیے ایک تعریفی پوسٹ۔ 
پیاری ٹیم انڈیا، آسٹریلیا نے کپ جیتا لیکن آپ سب نے ہمارے دل جیت لئے، مجھے اپنی ٹیم پر بہت فخر ہے، ہاں میرا دل ٹوٹ گیا ہے کیونکہ ہم فائنل ہار گئے لیکن بطور ٹیم کوشش کرنے پر آپ کا احترام کرتی ہوں، ہم پہلے سے زیادہ مضبوط ہو کر واپس آئیں گے۔،، 
انہوں نے مزید لکھا کہ شریاس! میرے بھائی کی محنت کو کوئی نہیں جانتا جس نے یہاں تک پہنچنے کیلئے کتنی محنت کی، میں صرف یہ کہنا چاہتی ہوں کہ مجھے آپ پر ناقابل یقین حد تک فخر ہے۔ کل ہمارا دن نہیں تھا لیکن مجھے یقین ہے کہ ہم مضبوطی سے واپس آئیں گے۔،،  
واضح رہے کہ شریاس ائیر نے میگا ایونٹ میں بھارت کے لئے جارحانہ کھیل کا مظاہرہ کرتے ہوئے 66.25 کی اوسط سے 530 رنز بنائے۔  
دوسری جانب انتہا پسند بھارتی فینز کی جانب سے آسٹریلوی کھلاڑیوں اور ان کے اہلخانہ کو ریپ کی دھمکیوں سمیت نازیبا میسجز کے علاوہ سوشل میڈیا ویب سائٹس پر انہیں مختلف طریقوں سے حراساں کیا جارہا ہے۔