فلوریڈا میں بارش پاکستان کی ٹی 20 ورلڈکپ مہم پر پانی پھیرسکتی ہے

امریکی ریاست فلوریڈا کے شہر لاڈرہل میں ہونے والے ٹی ٹوئنٹی ورلڈکپ کے میچز بارش سے متاثر ہونے کا خدشہ ہے۔ فلوریڈا میں بارش پاکستان کی ٹی 20 ورلڈ کپ مہم پر پانی پھیرسکتی ہے۔ 
مقامی محکمہ موسمیات کا کہنا ہے کہ لاڈرہل میں اگلے چند روز تک مکل بارش کی پیش گوئی ہے اور لاڈرہل میں بارشیں اگر مگر پر منحصر پاکستان ٹیم کی امیدوں پر پانی پھیرسکتی ہیں۔ 14 جون کو شیڈول امریکا اور آئرلینڈ کے میچ میں بارش کے 91 فیصد امکانات ہیں۔ پاکستان کی امیدوں کو زندہ رکھنے کیلئے اس میچ میں آئرلینڈ کی جیت لازمی ہے اور میچ واش آؤٹ ہونے کی صورت میں پاکستان سپر ایٹ کی دوڑ سے باہر ہوجائے گا۔ پاکستان کو امریکہ کے خلاف جیتنے کے لیے آئرلینڈ کی جیت کی ضرورت ہے۔ دوسری صورت میں، اگر میچ بارش کے باعث ختم ہو جاتا ہے، تو شریک میزبان امریکا ایک پوائنٹ حاصل کر لے گا اور پاکستان کی مہم ختم کر کے سپر ایٹ تک رسائی حاصل کر لے گا۔ 16 جون کو شیڈول پاکستان اور آئرلینڈ کے میچ میں بھی بارش کا 47 فیصد امکان ہے۔  
خیال رہے کہ آئی سی سی ٹی ٹوئنٹی ورلڈکپ میں پاکستان ٹیم نے اپنا تیسرا اور اہم میچ نیویارک میں کینیڈا کے خلاف کھیلا جس میں کینیڈا کو 7 وکٹوں سے شکست دی۔ 
ورلڈکپ 2024 میں اپنا سفر جاری رکھنے کے لیے قومی ٹیم کو نا صرف اپنا اگلا میچ جیتنا ضروری ہے بلکہ اس کے ساتھ ساتھ امریکا کی بھارت کے ہاتھوں شکست کی دعا بھی کرنا ہوگی کیونکہ امریکا نے اگر مزید ایک پوائنٹ بھی حاصل کرلیا تو پاکستان کا سفر یہیں ختم ہوجائے گا۔ 
یاد رہے کہ ٹی ٹوئنٹی ورلڈکپ میں پاکستان کو اپنے پہلے میچ میں میزبان امریکا کے ہاتھوں سپر اوور میں شکست ہوئی تھی جب کہ دوسرے میچ میں بھارت کے ہاتھوں 6 رنز سے شکست کا سامنا کرنا پڑا تھا۔