پی سی بی کا سابق کپتان کے لئے نیک تمناؤں کا اظہار۔
١٥ فروری ٢٠٢٤
قومی ٹیم کے ڈائریکٹر محمد حفیظ نے پاکستان کرکٹ بورڈ (پی سی بی) سے راہیں جدا کرلیں۔
پاکستان کرکٹ بورڈ (پی سی بی) کی جانب سے جاری کردہ اعلامیے میں سابق کپتان اور ٹیم ڈائریکٹر محمد حفیظ کی تعریف کی گئی اور ان کے کردار کو سراہتے ہوئے کہا گیا ہے کہ بورڈ ان کی ٹیم سے وابستگی کا تہہ دل سے شکریہ ادا کرتا ہے۔
ٹیم ڈائریکٹر کا عہدہ چھوڑنے کے باوجود بورڈ محمد حفیظ کے مستقبل کیلئے نیک خواہشات کا اظہار کرتا ہے۔
بحیثیت ٹیم ڈائریکٹر حفیظ کے دور میں پاکستان کو آسٹریلیا کے حالیہ دورہ ٹیسٹ میں 0-3 سے شکست کا سامنا کرنا پڑا اور اس کے علاوہ نیوزی لینڈ میں 5 میچوں کی ٹی20 سیریز میں بھی 1-4 سے شکست کا منہ دیکھنا پڑا تھا۔
قبل ازیں دورہ نیوزی لینڈ کے دوران قومی ٹیم کے کھلاڑیوں اور ڈائریکٹر کے درمیان تناؤ پیدا ہوگیا تھا، محمد حفیظ کھلاڑیوں کو غیر ملکی ٹی20 لیگز کیلئے (این او سی) نہ دینے پر بضد تھے جبکہ پلیئرز کی پرفارمنس سے بھی خوش نہیں تھے۔
واضح رہے کہ سابق ٹیسٹ کپتان محمد حفیظ نے پاکستان کی نمائندگی کرتے ہوئے 55 ٹیسٹ، 218 ون ڈے اور 119 ٹی20 مقابلوں میں 12 ہزار 780 رنز بنائے جبکہ 253 وکٹیں حاصل کیں۔
.jpg)
