گزشتہ دنوں سینٹرل کنٹریکٹ کی خلاف ورزی کے الزام میں پی سی بی نے حارث رؤف کو شوکاز نوٹس جاری کیا تھا۔
٠٦ دسمبر ٢٠٢٣
آسٹریلیا کے خلاف ٹیسٹ سیریز سے دستبرداری کا اعلان کرنے والے قومی ٹیم کے فاسٹ بولر حارث رؤف نے پاکستان کرکٹ بورڈ (پی سی بی) کی طرف سے بھیجے گئے شوکاز نوٹس کا جواب دے دیا۔
فاسٹ بولر حارث رؤف نے موقف اپنایا ہے کہ آسٹریلیا کے خلاف ٹیسٹ سیریز سے دستبردار ہونے کی واحد وجہ ریڈ بال کرکٹ کی پریکٹس نہ ہونا تھی، جس کی وجہ سے دورے کا انکار کیا۔
گزشتہ دنوں سینٹرل کنٹریکٹ کی خلاف ورزی کے الزام میں پاکستان کرکٹ بورڈ (پی سی بی) نے حارث رؤف کو شوکاز جاری کرتے ہوئے وضاحت طلب کی تھی۔
یاد رہے کہ کنٹریکٹ کے تحت قومی ٹیم کے کھلاڑی کسی بھی طرز کی کرکٹ میں عدم دستیابی ظاہر نہیں کرسکتے۔
چیف سلیکٹر وہاب ریاض نے گزشتہ دنوں میڈیا کانفرنس میں کہا تھا کہ انھوں نے آسٹریلیا کے ساتھ ہونے والی سیریز کے لیے حارث رؤف کو اسکواڈ میں شمولیت کا کہا مگر انھوں نے انکار کردیا، پیسر کو بگ بیش لیگ کے لیے بھی این او سی نہیں دیا جا رہا تھا تاہم گزشتہ روز مشروط این او سی جاری کردیا گیا جس کے تحت فاسٹ بولر بگ بیش لیگ میں صرف پانچ میچ کھیل سکیں گے۔
.jpg)
