گرین شرٹس کے فاسٹ بولرز نے دنیا کی بڑی بڑی ٹیموں کو وارننگ دے دی ہے، معروف بھارتی کمنٹیٹر
٢٤ اگست ٢٠٢٣
بھارت کے معروف کمنٹیٹر ہرشا بھوگلے نے ورلڈکپ سے قبل پاکستانی فاسٹ بولرز کے اٹیک کو دیکھتے ہوئے دنیا کی بڑی ٹیموں کو وارننگ دے دی۔
افغانستان کے خلاف میچ میں پاکستانی پیسرز کی جارحانہ بولنگ کو دیکھتے ہوئے معروف بھارتی کمنٹیٹر ہرشا بھوگلے نے تبصرہ کیا کہ کرکٹ بورڈ میں متواتر تبدیلیوں کے باوجود پاکستان کا پیس اٹیک دنیا کی کسی بھی ٹیم کو ٹکر دینے کی صلاحیت رکھتا ہے، افغان ٹیم کے خلاف پاکستانی فاسٹ بولنگ اٹیک نے دنیا کی بڑی ٹیموں کو خبردار کردیا ہے۔
انہوں نے کہا کہ گرین شرٹس نے دنیا کی بڑی بڑی ٹیموں کو وارننگ دی ہے کہ شاہین شاہ آفریدی، حارث رؤف اور نسیم شاہ کو کھیلتے ہوئے بلے بازوں کو احتیاط برتنے کی ضرورت ہے۔
ہرشا بھوگلے بورڈ میں انتظامی اتار چڑھاؤ کے باوجود عالمی معیار کے تیز رفتار کھلاڑی پیدا کرنے کے لیے پاکستان کی تعریف کرتے ہوئے کہا کہ 2019 کے آئی سی سی ورلڈکپ کے اختتام کے بعد سے پیس اٹیک نے 27.00 کی شاندار اوسط کا مظاہرہ کیا ہے، یہ اعداد و شمار 2023 ورلڈکپ میں حصہ لینے والی ٹیموں میں سب سے بہتر ہیں۔
.jpg)
