صارفین کی جانب سے متنازع کمنٹیٹر کو پینل میں شامل کیے جانے پر تنقید۔
١٤ فروری ٢٠٢٤
پاکستان سپر لیگ (پی ایس ایل) 2023 کے ایڈیشن میں اسلام آباد یونائیٹڈ کے فاسٹ بولر حسن علی کی اہلیہ پر نامناسب کمنٹ کرنے والے سائن ڈول بھی پی ایس ایل 9 کے کمنٹری پینل میں شامل کرلیے گئے۔
کیوی کمنٹیٹر نے اسلام آباد یونائیٹڈ کی ملتان سلطانز کے خلاف فتح کے بعد فاسٹ بولر حسن علی کی اہلیہ کے حوالے سے نامناسب الفاظ میں تبصرہ کرتے ہوئے کہا تھا کہ “انکی اہلیہ نے آج بہت سے لوگوں کے دل جیت لیے ہیں، مجھے یقین ہے اور یہ بہت شاندار ہیں”۔
سماجی رابطے کی ویب سائٹ ٹوئٹر پر ایک ویڈیو وائرل ہوئی تھی جس کے بعد انہیں صارفین کی جانب سے شدید تنقید کا نشانہ بنایا گیا تھا۔ پی ایس ایل کے نئے ایڈیشن کے کمنٹی پینل میں دوبارہ سائمن ڈول کو شامل کیے جانے پر ایک بار پھر شائقین کرکٹ کی جانب سے انتظامیہ کے فیصلے کو شدید تنقید کا نشانہ بنایاجارہاہے۔
واضح رہے کہ گزشتہ روز پاکستان سپر لیگ (پی ایس ایل) کے نویں ایڈیشن کیلئے کمنٹری پینل کا اعلان ہوا تو اس میں سائمن ڈول کا نام بھی شامل تھا، جس پر شائقین نے سخت ردعمل کا اظہار کیا ہے۔
قومی ٹیم کے پیسرحسن علی رواں سیزن میں کراچی کنگز کی نمائندگی کرتے نظر آئیں گے۔
.jpg)
