ٹی 20 انٹرنیشنل کرکٹ میں نیا کارنامہ، ملائشیا کے بولر کا منفرد ریکارڈ

کرکٹ کی دنیا میں نت نئے ریکارڈ بنتے اور ٹوٹتے رہتے ہیں مگرملائیشیا کے فاسٹ بولر نے ایک دو نہیں بلکہ یکے بعد دیگرے سات وکٹیں حاصل کرکے ٹی ٹوئنٹی انٹرنیشنل کرکٹ میں نئی تاریخ رقم کردی۔ 
آئندہ سال کھیلے جانے والے ٹی ٹوئنٹی مینز ورلڈ کپ کے لیے ایشیا ریجنل کوالیفائر بی ٹورنامنٹ کا افتتاح ہی دھماکے دار انداز میں ہوا جس میں ملائشین فاسٹ بولرسیزول ادروس نے چین کے خلاف میچ میں ایک دو نہیں بلکہ سات کھلاڑیوں کو آؤٹ کرکے بڑے بڑے بولرز کو پیچھے چھوڑتے ہوئے نیا عالمی ریکارڈ قائم کردیا۔ 
چین کے خلاف میچ میں سیزول ادروس نے اپنے کوٹے کے چار اوورز میں صرف 8 رنز دے کر 8 کھلاڑیوں کو پویلین کی راہ دکھائی۔ جس میں سات وکٹیں ان کی تھیں، ٹی ٹوئنٹی میچز میں یہ اب تک کسی بھی بولر کی سب سے بہترین انفرادی کارکردگی ہے۔ 
اس سے قبل ٹی ٹوئنٹی مقابلوں میں 6 وکٹیں لینے تک کا کارنامہ تو کئی بولر انجام دے چکے ہیں جن میں بھارت کے دیپک چاہر، یوزویندر چہل، آسڑیلیا کے ایشٹن اگر اور سری لنکا کے اجنتھا مینڈس شامل ہیں۔ 
مجموعی طور پر 12 بولرز نے مینز ٹی ٹوئنٹی انٹرنیشنل کے ایک میچ میں چھ وکٹیں حاصل کرنے کا کارنامہ انجام دے رکھا ہے، لیکن ادروس نے ایک ہی میچ میں سات وکٹیں حاصل کرکے ایک نیا ریکارڈ قائم کردیا ہے جو اس سے پہلے کرکٹ کی تاریخ میں کبھی ریکارڈ نہیں کیا گیا تھا۔ سیزول ادروس کی اس حیرت انگیز کامیابی کو سوشل میڈیا پر خوب سراہا جارہا ہے۔