انگلش ٹیم کے آل راؤنڈر معین علی نے حال ہی میں ٹیسٹ کرکٹ سے ریٹائرمنٹ واپس لی ہے، وہ ایشز سیریز میں انگلینڈ کی نمائندگی کریں گے۔
١٤ جون ٢٠٢٣
انگلش ٹیم کے اہم کرکٹر معین علی نے پریس کانفرنس میں انکشاف کیا کہ بین اسٹوکس نے ایشیز سیریز کھیلنے کے حوالے سے رابطہ کیا تھا جس پر میں نے ’ایل او ایل‘ کہہ کر جواب دیا تھا۔
کرک انفو نے بھی بین اسٹوکس کی واٹس ایپ پوسٹ شیئر کی ہے جس میں وہ معین علی سے پوچھتے ہیں کہ ایشیز؟
معین علی جواب میں ’ایل او ایل‘ یعنی لاف آئوٹ آف لمٹس، کہتے ہیں۔
واضح رہے کہ آل راؤنڈر معین علی جیک لیچ کے انجرڈ ہونے کے بعد ٹیسٹ کرکٹ میں واپسی اورانگلینڈ کی نمائندگی کے لیے تیار ہیں۔ معین علی کو ٹیسٹ میچوں سے ریٹائرمنٹ پر نظر ثانی کرنے پر راضی کرنے کے لیے بین اسٹوکس کا ایک لفظی رابطہ کافی تھا۔
انگلش ٹیم کے35 سالہ کرکٹر نے بتایا کہ صرف بین اسٹوکس ہی انہیں قائل کرسکتے تھے، شروع میں، میں نے سوچا کہ اسٹوکس شاید مذاق کر رہے ہیں لیکن جب میں نے لیچ کی انجری کے بارے میں خبرسنی تو پھر ان کے ساتھ سنجیدگی کے ساتھ بات چیت کی۔
واضح رہے کہ معین علی نے ستمبر 2021 میں بھارت کے خلاف انگلینڈ کی سیریز کے بعد ٹیسٹ کرکٹ سے ریٹائرمنٹ لے لی تھی جس کے بعد سے انہوں نے کوئی فرسٹ کلاس میچ نہیں کھیلا۔
یاد رہے کہ 35 سالہ آل رائونڈر معین علی نے انگلش ٹیم کی نمائندگی کرتے ہوئے 67 ٹیسٹ میچز میں 2914 رنز بنائے اور 195 وکٹیں حاصل کی ہیں۔
.jpg)
