ڈربن میں ہونے والے آئی سی سی کے سالانہ اجلاس میں انعامی رقم کے حوالے سے یہ نیا فیصلہ کیا گیا۔
١٧ جولائی ٢٠٢٣
انٹرنیشنل کرکٹ کونسل (آئی سی سی) نے مرد اور خواتین کرکٹ ٹیموں کیلئے یکساں انعامی رقم کا اعلان کیا ہے۔
آئی سی سی ٹورنامنٹس کی فاتح، رنراپ مرد اور خواتین ٹیموں کو برابر انعامی رقم ملا کرے گی، ڈربن میں ہونے والے آئی سی سی کے سالانہ اہم اجلاس میں انعامی رقم کے حوالے سے یہ فیصلہ کیا گیا جس کے تحت آئی سی سی کے ہر ممبر کی فنڈنگ میں خاطر خواہ اضافہ کردیا گیا ہے۔
تمام ممبران کو یکساں بنیاد کی تقسیم پر فنڈز ملیں گے، چیف ایگزیکٹوز کمیٹی نے ٹیسٹ کرکٹ میں اوور ریٹ کی پابندیوں میں ترمیم کی توثیق کردی جبکہ موجودہ ورلڈ ٹیسٹ چیمپیئن شپ سائیکل کے آغاز سے نئے اوورریٹ قوانین لاگو ہوں گے۔
کھلاڑیوں کو ان کی میچ فیس کے 5 فیصد کے برابر جرمانہ عائد کیا جائے گا، اوور ریٹ کی زیادہ سے زیادہ سزا 50 فیصد میچ فیس کا حصہ ہوگا، اگر کوئی ٹیم 80 اوور تک پہنچنے سے پہلے ہی آؤٹ ہوجاتی ہے تو اوور ریٹ جرمانہ نہیں ہوگا۔
نئے ایونٹس کے لیے اب کم از کم سات مقامی کھلاڑیوں کو ٹیم میں رکھنے کی شرط ہوگی، آرگنائزنگ ممبربورڈ کسی کھلاڑی کے ہوم بورڈ کو شرکت کی فیس بھی ادا کرے گا۔
.jpg)
