آئی سی سی حکام سے بات چیت میں بھارت میں شیڈول ورلڈکپ کی سیکیورٹی،ویزے اور میچ ٹکٹس پر بھی بات ہوگی
٠٧ جولائی ٢٠٢٣
آئی سی سی کے اہم اجلاس میں شرکت کے لیے پی سی بی حکام آج جنوبی افریقہ روانہ ہوں گے، جہاں اہم امور پر بات چیت کی جائے گی۔
پی سی بی حکام آج آئی سی سی اجلاس میں شرکت کیلیے جنوبی افریقہ روانہ ہوں گے، مینجمنٹ کمیٹی کے سربراہ ذکاء اشرف، سلمان نصیر اور فیصل حسنین 9جولائی سے 16جولائی تک ڈربن میں ہونے والی میٹنگز کا حصہ بنیں گے۔
ذرائع کے مطابق پی سی بی حکام ان میٹنگز میں قومی ٹیم کی ورلڈکپ میں شرکت کے حوالے سے سیکیورٹی انتظامات، ویزوں کے اجرا، پاکستانی میڈیا اور شائقین کیلیے ویزا پالیسی اورمیچز کی ٹکٹوں کی دستیابی پر بات چیت کریں گے، آئی سی سی اور بھارتی بورڈ کے حکام ان معاملات پر اپنا موقف پیش کریں گے۔
واضح رہے کہ پی سی بی نے گرین شرٹس کی ورلڈکپ میں شرکت کو حکومتی اجازت سے مشروط کررکھا ہے۔
.jpg)
