دبئی: انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، قومی کرکٹ ٹیم کے کپتان بابراعظم اور محمد رضوان کی ایک درجہ تنزلی ہوئی ہے۔
١٤ دسمبر ٢٠٢٢
آئی سی سی کی جاری کردہ نئی رینکنگ کے مطابق آسٹریلیا کے مارنوس لابوشین کی بہترین بلے بازوں میں پہلی پوزیشن برقرار ہے جبکہ انہی کے ہم وطن اسٹیو اسمتھ دو درجے ترقی پاکر دوسری پوزیشن پر قابض ہوگئے ہیں۔
قومی کرکٹ ٹیم کے کپتان بابراعظم انگلینڈ کے خلاف ہوم سیریز میں کوئی خاطر خواہ کارکردگی کا مظاہرہ نہیں کرسکے جس کے باعث ان کی ایک درجہ تنزلی ہوئی ہے اور وہ تیسری پوزیشن پر آگئے ہیں، اسی طرح سابق انگلش کپتان جو روٹ بھی ایک درجہ تنزلی پاکر چوتھے نمبر پر آگئے ہیں۔
انگلینڈ کے خلاف اپنی سرزمین پر دوسرے ٹیسٹ میچ میں 63 اور 94 رنز کی اننگز کھیل کر مڈل آرڈر بیٹر سعود شکیل 32 درجے ترقی کے بعد 61 نمبر پر آ گئے ہیں۔
وکٹ کیپر بیٹر رضوان اور عبداللہ شفیق کی بھی تنزلی ہوئی ہے، رضوان 4 درجے تنزلی کے بعد 21 ویں جبکہ عبداللہ شفیق 15 ویں سے 18 ویں پوزیشن پر پھسل گئے ہیں۔
بولرز کی رینکنگ میں پاکستان کے شاہین آفریدی کا پانچواں نمبر برقرار ہے جبکہ پاکستان کے ابرار احمد پہلا ٹیسٹ کھیلنے کے بعد رینکنگ میں 60 ویں نمبر پر ہیں۔
.jpg)
