عمادوسیم نے کہا کہ پاکستان کے بلے بازوں کو مڈل اوورز میں غلبہ حاصل کرنا چاہیے تھا۔
٢٧ مئی ٢٠٢٤
قومی ٹیم کے آل رائونڈرعماد وسیم نے انگلینڈ کے ہاتھوں دوسرے ٹی 20 میچ میں گرین شرٹس کیشکست کے بعد پاکستان کے بلے بازوں کی نیت پر سوال اٹھادیا۔ کہتے ہیں پاکستان کے بلے بازوں کو مڈل اوورز میں غلبہ حاصل کرنا چاہیے تھا۔
اس سے قبل پاکستان نے برمنگھم میں سیریزکے دوسرےٹی 20 میچ میں انگلینڈکے ہاتھوں 23 رنز سے شکست کھائی، 184 رنزکے ہدف کا تعاقب کرتے ہوئے گرین شرٹس 160 رنز پر آؤٹ ہوگئے۔
میچ کے بعد کی پریس کانفرنس میں بات کرتے ہوئے، عماد نے کہا کہ پاکستان کے بلے بازوں کو درمیانی اوورز میں غلبہ حاصل کرنے کی ضرورت ہے، نہ کہ لازمی طور پر جارحانہ کھیل کے ذریعے بلکہ بولرز کو سیٹ ہونے سے روکنے کے ذریعے بھی پاکستانی ٹیم میچ کا پانسہ پلٹ سکتی ہے۔
ان کا کہنا تھا کہ "میں اس بات سے متفق ہوں کہ جس نیت کی ہمیں ضرورت ہے وہ ابھی بھی غائب ہے، خاص طور پر مڈل اوورز میں جہاں ہمیں غلبہ حاصل کرنے کی ضرورت ہے اور غلبہ حاصل کرنے کا مطلب یہ نہیں ہے کہ آپ جارحانہ کھیلنا شروع کر دیں - آپ کو صرف بولر کو لائن کے ساتھ سیٹ ہونے سے روکنے کی ضرورت ہے۔"
عماد وسیم، جو نمبر 8 پر بیٹنگ کر رہے تھے ان کے ساتھ افتخار احمد نے 40 تیز رنز جوڑے، لیکن اہم لمحات پر اپنی وکٹیں گنوا بیٹھے۔ عماد وسیم نے اس حوالے سے ذکر کیا کہ اگر وہ کریز پر مزید کچھ دیر تک ٹھہرتے تو کھیل کا نتیجہ مختلف ہو سکتا تھا۔
"ایک وقت پر، افتخار اور میں کریز پر تھے اور ہم لائن پار کرنے کے لیے دیکھ رہے تھے لیکن ہم نے اہم مراحل پر اپنی وکٹیں گنوادیں، اگر ہم ٹھہرے رہتے، تو ہم لائن پار کر لیتے۔"
انہوں نے اپنی ٹیم کی ضرورت کے مطابق کسی بھی وقت بولنگ کرنے کی تیاری کا اظہار کیا، چاہے ان کا کردار نئی گیند کے ساتھ ہو یا آخری اوورز میں۔
انہوں نے کہا کہ "میں کسی بھی پوزیشن پر بولنگ کرنے کے لیے تیار ہوں، چاہے وہ نئی گیند کے ساتھ ہو یا آخری اوورز میں، جب بھی کپتان محسوس کرے کہ مجھے بولنگ کے لیے آنا چاہیے، میں آؤں گا اور اپنی ٹیم کے لیے بہترین دینے کی کوشش کروں گا۔"
انہوں نے مزید کہا کہ "اس کا حالات کے مطابق فیصلہ کیا جائے گا۔"
کمبینیشن کے بارے میں ایک سوال کا جواب دیتے ہوئے، عماد وسیم نے کہا کہ ورلڈ کپ قریب آنے کے ساتھ، وہ اس کو حتمی شکل دینے کے قریب ہیں۔ آنے والے ورلڈ کپ کے لیے ٹیم کے کمبینیشن کے بارے میں بات کرتے ہوئے، عماد نے نوٹ کیا کہ وہ اسے حتمی شکل دینے کے قریب ہیں اور بہتر کارکردگی دکھانے کے لیے انہوں نے بولرز اور بیٹرز کو اپنی غلطیوں سے سیکھنے کی اہمیت پر زور دیا۔
انہوں نے اپنی بات مکمل کرتے ہوئے کہا کہ "یہ صرف کہنے کی بات نہیں ہے، ہمیں دکھانا ہوگا کہ ہم بہتر کر سکتے ہیں۔"
