لاہور: جنوبی افریقہ کے لیگ اسپنر عمران طاہر نے پاکستان کو ورلڈکپ کی سب سے خطرناک ٹیم قرار دے دیا جب کہ انھوں نے اس یقین کا بھی اظہار کیا کہ فائنل گرین شرٹس اور جنوبی افریقہ کے درمیان ہوسکتا ہے۔
٠٣ نومبر ٢٠٢١
پاکستان کرکٹ کی سب سے بڑی ویب سائٹ www.cricketpakistan.com.pk کو خصوصی انٹرویو میں انھوں نے کہا کہ اب تک پاکستانی ٹیم نے لاجواب کارکردگی سے اپنی برتری ثابت کی ہے، ٹیم کی بیٹنگ اور بولنگ لائن زبردست پرفارم کررہی ہے، فاسٹ بولرز کے ساتھ اسپنرز بھی عمدہ کارکردگی دکھا رہے ہیں۔
انہوں نے کہا کہ آصف علی جیسا اچھا میچ فنشر بھی پاکستانی ٹیم کا حصہ ہے، انہوں نے نیوزی لینڈ اور افغانستان کے خلاف پاکستان کی جیت میں اہم کردار ادا کیا، ہر میچ کے ساتھ ان کی پرفارمنس میں بہتری ایک مثبت علامت ہے۔
پاکستانی ٹیم مینیجمنٹ میں تبدیلی کے سوال پر لیگ اسپنر نے کہا کہ اس سے زیادہ فرق نہیں پڑا، کھلاڑی میدان میں پرفارم کرتے ہوئے لطف اٹھا رہے ہیں، کھل کر کھیلنے سے کارکردگی نمایاں ہوئی ہے۔
عمران طاہر نے پاکستان کو ورلڈکپ کی سب سے خطرناک ٹیم قرار دے دیا جب کہ انہوں نے اس یقین کا بھی اظہار کیا کہ ٹی ٹونٹی ورلڈ کپ کا فائنل گرین شرٹس اور جنوبی افریقہ کے درمیان ہوسکتا ہے۔
.jpg)
