ٹی20 ورلڈکپ2024: پاک بھارت مقابلے کے ٹکٹس کی قیمت آسمان پر

بھارت بمقابلہ پاکستان ٹی 20 ورلڈ کپ 2024 کے 9 جون کو شیڈول ہائی وولٹیج میچ کے ٹکٹوں کی قیمتیں ناقابلِ یقین حد تک بڑھ گئی ہیں۔ اس ہائی وولٹیج ٹاکرے کے ٹکٹوں کی قیمت امریکہ میں بیس بال کی سب سے مہنگی ٹکٹوں سے بھی زیادہ ہے۔ 
تفصیلات کے مطابق نیو یارک یانکیز بمقابلہ بوسٹن ریڈ سوکس گیم کے ٹکٹس کی قیمت 1,296 ڈالر تک محدود ہے اور میجر لیگ بیس بال میچ کا سب سے زیادہ قیمت والا ٹکٹ ہے جبکہ پاک بھارت مقابلے کے ٹکٹس کی قیمت آسمان کی بلندیوں کو چھورہی ہے۔ 
نیو یارک کے ناساؤ کاؤنٹی انٹرنیشنل کرکٹ اسٹیڈیم میں 9 جون کو شیڈول میچ کے ٹکٹوں کی محدود دستیابی کی وجہ سے قیمتوں میں ہوشربا اضافہ ہوا ہے، خاص طور پر اسکیلپرز کے ذریعے یہ ٹکٹ انتہائی مہنگے داموں فروخت کیے جارہے ہیں۔ 
پیشکش پر سب سے سستا ٹکٹ اب 1,320 ڈالر کا ہے، جو نیو یارک یانکیز بمقابلہ بوسٹن ریڈ سوکس گیم کے لیے سب سے زیادہ ٹکٹ کی قیمت کو بھی پیچھے چھوڑ گیا ہے، جس کی زیادہ سے زیادہ قیمت 1,296 ڈالر ہے اور یہ میجر لیگ بیس بال میچ کے لیے سب سے زیادہ قیمت والا ٹکٹ ہے جبکہ دوسری جانب تھرڈ پارٹی پلیٹ فارمز پر انڈیا بمقابلہ پاکستان میچ کے ٹکٹس 10,000 ڈالر تک مل رہے ہیں۔ 
ان لوگوں کے لیے جو براہ راست آئی سی سی کی ویب سائٹ سے خریداری کرنا چاہتے ہیں، سب سے کم مہنگا ٹکٹ 2,000 ڈالر کی قیمت سے شروع ہوتا ہے۔ آئی سی سی قیمتوں کے تین درجوں میں ٹکٹ پیش کرتا ہے، جس میں سب سے کم 2,000 ڈالر اور سب سے زیادہ 2,750 ڈالر ہے۔