نیوزی لینڈ کا دورہ پاکستان 14 سے 28 اپریل کے درمیان شیڈول ہے جس میں 5 ٹی ٹوئنٹی میچوں کی سیریز کھیلی جائے گی۔
٢٩ فروری ٢٠٢٤
نیوزی لینڈ کے متعدد اسٹار کرکٹرز آئی پی ایل کی وجہ سے اپریل میں ٹی ٹوئنٹی سیریز کھیلنے کیلئے پاکستان نہیں آئیں گے۔
نیوزی لینڈ کا دورہ پاکستان 14 سے 28 اپریل کے درمیان شیڈول ہے جس میں پانچ ٹی ٹوئنٹی میچوں کی سیریز کھیلی جائے گی۔
مقامی میڈیا کی رپورٹ کے مطابق نیوزی لینڈ کرکٹ ٹیم کے کئی اہم کھلاڑی انڈین پریمیئر لیگ (آئی پی ایل) میں کھیلنے کی وجہ سے اپریل میں پاکستان کے خلاف ٹی ٹوئنٹی سیریز سے محروم ہو سکتے ہیں۔
پاکستان کے دورے کے لیے دستیاب نہ ہونے والے کھلاڑیوں میں کین ولیمسن، ڈیرل مچل، لوکی فرگوسن، راچن رویندرا اور ٹرینٹ بولٹ شامل ہیں۔
آئی پی ایل نے پہلے ہی اپنے ابتدائی شیڈول کا اعلان کردیا ہے جس میں 22 مارچ سے 7 اپریل کے درمیان پہلے 21 میچز ہوں گے۔
آئی پی ایل میچز کی حتمی تفصیلات بھارتی الیکشن کمیشن کی جانب سے اپریل اور مئی میں متوقع قومی انتخابات کی تاریخوں کے اعلان کے بعد سامنے آئیں گی۔
واضح رہے کہ نیوزی لینڈ کا دورہ پاکستان 14 سے 28 اپریل کے درمیان شیڈول ہے جس میں لاہور اور راولپنڈی کے میدان پانچ میچوں کی سیریز کی میزبانی کریں گے۔
.jpg)
