لاہور: آئرلینڈ ویمنز ٹیم نے پاکستان کو تیسرے ٹی20 میچ میں 34 رنز سے شکست دے کر سیریز 1-2 سے اپنے نام کرلی۔
١٦ نومبر ٢٠٢٢
قذافی اسٹیڈیم میں کھیلے گئے میچ میں آئرش ٹیم نے پہلے بیٹنگ کرتے ہوئے پاکستان ویمنز ٹیم کو 168رنز کا ہدف دیا، جس کے تعاقب میں قومی ٹیم 18.4 اوورز میں صرف 133 رنز بناکر ڈھیر ہوگئی،
ہدف کا تعاقب کرتے ہوئے قومی ٹیم کی جانب سے جویریہ خان نے 36 گیندوں پر 7 چوکوں کی مدد سے نصف سینچری بنائی جو ان کی ٹی ٹوئنٹی انٹرنیشنل کیریر کی 10ویں نصف سنچری تھی۔
پاکستانی ٹیم کی ندا ڈارنے 26 اور فاطمہ ثنا نے 14 رنز بنائے۔
۔آئرلینڈ کی جانب سے آرلین کیلی اور لاورا ڈیلانی نے 3،3 کھلاڑیوں کو آوٹ کیا۔
قبل ازیں آئرش ٹیم نے پہلے بیٹنگ کرتے ہوئے 4 وکٹوں کے نقصان پر 167 رنز بنائے، گیبی لوئس 71، ایمی ہنٹر 40 اور آرلا پرنڈر گیسٹ نے 37 رنز بناکر نمایاں رہیں۔
پاکستان کی جانب سے غلام فاطمہ، نشرہ سندھو اور ندا ڈار نے ایک ایک کھلاڑی کو آوٹ کیا۔
واضح رہے کہ پاکستان ویمنز ٹیم نے آئرلینڈ کو تین ون ڈے میچون پر مشتمل سیریز میں کلین سوئپ شکست سے دوچار کیا تھا۔
.jpg)
