news
English

بھارت نے اپنی ٹیسٹ کرکٹ کی تاریخ کی سب سے بڑی فتح حاصل کرلی  

بھارت اور انگلینڈ کے درمیان پانچ میچوں کی سیریز کا چوتھا ٹیسٹ جمعہ سے رانچی میں شروع ہوگا۔

بھارت نے اپنی ٹیسٹ کرکٹ کی تاریخ کی سب سے بڑی فتح حاصل کرلی  

بھارت نے اپنی ٹیسٹ کرکٹ کی تاریخ کی سب سے بڑی فتح حاصل کرلی۔ 
راجکوٹ میں ہونے والے ٹیسٹ میچ میں بھارت نے انگلینڈ کو 434 رنز کے بڑے مارجن سے شکست دے کر پانچ میچوں کی سیریز میں 1-2 کی برتری حاصل کرلی۔ 
یہ ٹیسٹ تاریخ میں بھارت کی مارجن کے لحاظ سے اب تک کی سب سے بڑی فتح ہے۔ اس سے قبل بھارت نے 2021 میں نیوزی لینڈ کیخلاف 372 رنز کے بھاری مارجن سے کامیابی حاصل کی تھی۔  
اتوار کے روز تیسرے ٹیسٹ کے چوتھے روز بھارت نے اپنی دوسری اننگز 430 رنز 4 کھلاڑی آؤٹ پر ڈکلیئر کرکے انگلینڈ کو جیت کے لیے 557 رنز کا ہدف دیا۔ 
ہدف کے تعاقب میں انگلش ٹیم چوتھے ہی روز اپنی دوسری اننگز میں 122 رنز پر ڈھیر ہوگئی۔ مارک ووڈ 33 رنز کے ساتھ ٹاپ اسکورر رہے۔  
کپتان بین اسٹوکس اپنے تاریخی 100 ویں ٹیسٹ میں صرف 15 رنز بناکر کلدیپ یادیو کے ہاتھوں ایل بی ڈبلیو ہوگئے۔ 
بھارت کی جانب سے روندرا جدیجا نے دوسری اننگز میں تباہ کن بولنگ کی اور پانچ کھلاڑیوں کو آؤٹ کیا۔  
روندرا جدیجا کو پہلی اننگز میں 112 رنز کی عمدہ اننگز کھیلنے اور مجموعی طور پر 7 وکٹیں حاصل کرنے پر پلیئر آف دی میچ قرار دیا گیا۔
پانچ میچوں کی سیریز کا چوتھا ٹیسٹ جمعہ سے رانچی میں شروع ہوگا۔ پہلے ٹیسٹ میں انگلینڈ نے بھارت کو 28 رنز سے شکست دی تھی جبکہ دوسرے ٹیسٹ میں بھارت نے 106 رنز سے کامیابی حاصل کی تھی۔