news
English

جونئیر لیگ کا افتتاحی ایڈیشن 6 اکتوبر سے شروع ہوگا

پاکستان جونیئر لیگ (پی جے ایل) کا افتتاحی ایڈیشن 6 اکتوبر سے قذافی اسٹیڈیم میں کھیلا جائے گا۔

جونئیر لیگ کا افتتاحی ایڈیشن 6 اکتوبر سے شروع ہوگا

پاکستان کرکٹ بورڈ (پی سی بی) کے جاری کردہ اعلامیے کے مطابق افتتاحی میچ میں گوجرانوالہ جائنٹس اور مردان واریئرز مدمقابل ہوں گے جبکہ ٹورنامنٹ سنگل لیگ کی بنیاد پر کھیلا جائے گا۔

اسی طرح ڈبل ہیڈر میں پہلا میچ ساڑھے 3 اور دوسرا میچ رات 8 بجے شروع ہوگا جبکہ ٹورنامنٹ کا فائنل 21 اکتوبر کو کھیلا جائے گا۔

پی جے ایل کے فائنل سمیت تمام میچز 19 میچز لاہور کے قذافی اسٹیڈیم میں کھیلے جائیں گے۔

قبل ازیں چیئرمین پی سی بی رمیز راجا کا جونئیر لیگ کے حوالے سے کہنا تھا کہ سابق کپتان جاوید میانداد لیگ کے مینٹور کی حیثیت سے تمام ٹیموں کے مینٹورز کی سرپرستی کریں گے جبکہ دیگر کرکٹرز کرکٹرز لیگ میں شامل نوجوان کھلاڑیوں کی مینٹورنگ کرنے کے ساتھ ساتھ دنیا بھر میں پی جے ایل کے ایمبیسڈرز بھی ہوں گے، جو اپنے تجربے اور علم کی بدولت دنیائے کرکٹ میں لیگ کی پذیرائی کا سبب بنیں گے۔