کائنات امتیاز کی والدہ کا بطور انٹرنیشنل امپائر ڈیبیو

سلیمہ امتیاز نے گزشتہ روز بھارت اور سری لنکا کے درمیان میچ کی صورت میں پہلی بار کسی انٹرنیشنل مقابلے میں ذمہ داری بھی نبھائی، اس سے قبل وہ خواتین کے ایک مقامی ٹورنامنٹ میں بھی امپائرنگ کا فریضہ انجام دے چکی ہیں۔

کائنات امتیاز کا اس حوالے سے ٹویٹر پر کہنا تھا کہ میری والدہ ایشیا کپ میں بطور امپائر شریک ہیں، انھوں نے جو کچھ حاصل کیا مجھے اس پر بہت زیادہ فخر ہے، پاکستان کی نمائندگی ان کا خواب تھا، ایک طویل انتظار کے بعد اب وہ اس ایونٹ میں پاکستان کی نمائندگی کررہی ہیں۔

انہوں نے کہا کہ میرے والد کو بھی اس اہم موقع پر بہت زیادہ مبارک ہو، جنھوں نے ہر قدم پر ہمارا ساتھ دیا، ہمیں ہمت دی اور کبھی ہارنے نہیں دیا، وہ ہمارے بہترین ناقد بھی رہے۔