کامران اکمل نے متنازع بیان پر ہربھجن سنگھ سے معذرت کرلی

کمران اکمل نے ہربھجن سنگھ سے اپنے متنازع جملے کے لئے معذرت طلب کرلی ہے۔ 
پاکستانی کرکٹر کامران اکمل نے ٹی 20 ورلڈ کپ 2024 میں پاک بھارت میچ کے بعد اپنے ایک غیر ذمے دارانہ تبصرے کے بعد سوشل میڈیا پر معافی مانگنے کا اعلان کیا۔ 
پاکستان نے بھارت کے خلاف مقابلے میں چھ رنز سے میچ ہارا، جس نے کامران اکمل کو پاکستان میں ایک نجی ٹیلی ویژن پروگرام میں نامناسب تبصرہ کرنے پر مجبور کیا۔ 
بھارت کے لئے آخری اوور کو آرشدیپ سنگھ نے کرایا اور کامران اکمل کا ارشدیپ سنگھ کے سکھ مذہب کے بارے میں اہانت آمیز تبصرہ، ہنسی کے ساتھ، جلدی ہی سوشل میڈیا پر پھیل گیا۔ 
کامران اکمل نے آخری اوور سے پہلے اظہارِخیال کیا جب پاکستان کو جیت کے لیے 12 رنز درکار تھے، کامران اکمل کا کہنا تھا کہ "کچھ بھی ہو سکتا ہے... بارہ بج گئے ہیں... کسی سکھ کو نہیں دینا چاہئے بارہ بجے کے بعد اوور۔" 
اس ویڈیو نے دنیا بھر میں انتہائی غصہ پیدا کیا، بہت سے پاکستانی صارفین نے بھی کامران اکمل کے اس تبصرے کی مذمت کی۔ 
سابق بھارتی کرکٹر ہربھجن سنگھ نے سوشل میڈیا پر شدید ردعمل ظاہر کیا اور کامران اکمل کو سکھ مذہب کی ہتک کرنے کے لئے تنقید کا نشانہ بنایا۔ 
ان کا کہنا تھا کہ "کمران اکمل، تم کو شرم آنی چاہئے۔ تمہیں سکھوں کی تاریخ کی معلومات ہونی چاہئیں۔،، 
ہربھجن سنگھ نے اپنے ایکس پروفائل پر لکھا کہ کامران اکمل کو اس قسم کے مذہبی جذبات بھڑکانے والے نامناسب تبصروں سے گریز کرنا چاہیے۔،، 
اس تنقید کا سامنا کرنے کے بعد، کامران اکمل نے پیر کی رات اپنی غلطی کو تسلیم کرتے ہوئے، پوری سکھ برادری سے معافی مانگنے کا اعلان کیا۔ انہوں نے ہربھجن سنگھ اور سکھ کمیونٹی سے خاص طورپر معذرت کی اور اپنے نامناسب الفاظ پر گہری ندامت کا اظہار کیا۔ ان کا کہنا تھا کہ "میں اپنے حالیہ تبصرے کے لیے دل سے ندامت کا اظہار کرتا ہوں اور ہربھجن سنگھ اور دنیا بھر کے سکھوں سے معافی چاہتا ہوں۔ میرے الفاظ نامناسب اور اہانت آمیز تھے۔ میں دنیا بھر کے سکھوں کی انتہائی عزت کرتا ہوں، میرا کسی کا بھی دل دکھانے کا ارادہ نہیں تھا۔،،