میچ کے دوران انجرڈ ہونے والے دونوں کپتانوں نے اپنی اپنی ٹیم کو بعد میں جوائن کیا۔
٠٧ مارچ ٢٠٢٣
کوئٹہ گلیڈی ایٹرز اور کراچی کنگز کے میچ میں دونوں ٹیموں کے کپتان یکے بعد دیگرے انجرڈ ہوگئے۔
کراچی کنگز کی اننگز کے 16ویں اوور میں نسیم شاہ کی جانب سے عماد وسیم کو کرائے گئے باؤنسر پر گیند تھامتے ہوئے سرفراز احمد کے ہاتھ پر چوٹ لگی، انھوں نے درد برداشت کرتے ہوئے کیپنگ جاری رکھی مگر بالآخر ہمت جواب دے گئی اور انہیں کھیل چھوڑ کر میدان سے باہر جانا پڑا، آخری 3اوورز میں عمراکمل نے گلوز سنبھالے جبکہ ٹیم کی قیادت محمد نواز نے کی۔
کراچی کنگز کے کپتان عماد وسیم بھی آخر میں لنگڑاتے ہوئے میدان سے باہر گئے، کوئٹہ گلیڈی ایٹرز کی بیٹنگ کے عرصے میں کچھ دیر تک شعیب ملک نے قیادت سنبھالی مگر پھر عماد وسیم گرائونڈ میں واپس آگئے، دوسری جانب سرفراز احمد نے ساتویں نمبر پر بیٹنگ کی۔
.jpg)
