پاکستان سپر لیگ (پی ایس ایل) کی فرنچائز کوئٹہ گلیڈی ایٹرز کے اونر ندیم عمر بھی سابق کپتان سرفراز احمد کی حمایت میں بول پڑے۔
٠٤ اپریل ٢٠٢٣
مقامی ٹی وی چینل کو دیئے گئے انٹرویو میں کوئٹہ گلیڈی ایٹرز کے اونر ندیم عمر نے کہا کہ کسی کے کہنے پر سرفراز احمد کو کپتانی سے نہیں ہٹاسکتے، وہ ہماری ٹیم کا ٹریڈ مارک ہیں۔
انہوں نے کہا کہ پی ایس ایل کے آٹھویں ایڈیشن میں ہماری فرنچائز نے اچھی پرفارمنس نہیں دی لیکن اس کی وجہ صرف سرفراز احمد کی قیادت نہیں ہے بلکہ ہمارے اوورسیز پلئیر ہسرنگا نہیں آئے جس کا ہمیں بہت نقصان ہوا۔
ندیم عمر نے مزید کہا کہ سرفراز احمد کی قیادت میں پاکستان چیمپئنز ٹرافی، انڈر-19 ورلڈکپ اور کوئٹہ گلیڈی ایٹرز نے ٹائٹل جیتا، ان کی ملکی سطح پر خدمات ہیں جنہیں فراموش نہیں کیا جاسکتا، وہ کوئٹہ گلیڈی ایٹرز کا حصہ تھے اور رہیں گے۔
قبل ازیں سرفراز احمد نے ایک انٹرویو میں انکشاف کیا تھا کہ ’’مجھے نہیں لگتا پاکستان سپر لیگ (پی ایس ایل) میں کوئٹہ گلیڈی ایٹرز کے لئے یہ میرا آخری سیزن تھا‘‘ لوگ تنقید کرتے ہیں مگر ہمارا کام پرفارمنس سے جواب دینا ہے۔
.jpg)
