ویرات کوہلی نے 289 ون ڈے میچوں میں سچن ٹنڈولکر کی 49 سنچریوں کا ریکارڈ برابر کیا ہے جبکہ ٹنڈولکر نے463 میچ کھیل کر 49 سنچریاں بنائی تھیں۔
٠٦ نومبر ٢٠٢٣
ویرات کوہلی نے جنوبی افریقا کے خلاف ورلڈ کپ کے 37 ویں میچ میں سنچری اسکور کرکے سابق بھارتی بیٹر ’لٹل ماسٹر‘ سچن ٹنڈولکر کا ون ڈے میچوں میں سب سے زیادہ 49 سنچریاں بنانے کا ریکارڈ برابر کردیا۔
کولکتہ کے ایڈن گارڈنز میں پروٹیز کے خلاف کھیلے گئے میچ میں ویرات کوہلی نے 119 گیندوں پر 10 چوکوں کی مدد سے سنچری مکمل کی۔ اسٹار بیٹر نے 289 ون ڈے میچوں میں سچن ٹنڈولکر کی 49 سنچریوں کا ریکارڈ برابر کیا ہے جبکہ ٹنڈولکر نے463 میچ کھیل کر 49 سنچریاں بنائی تھیں۔
یہ سنچری ویرات کوہلی کے لیے اس لیے بھی یادگار ہے کہ 5 نومبر کو بھارتی بیٹر کی سالگرہ ہے۔ یوں ویرات کوہلی اپنی سالگرہ والے دن پر ون ڈے سنچری بنانے والے دنیا کے ساتویں کرکٹر بھی بن گئے ہیں۔
قبل ازیں اسی ورلڈ کپ میں مچل مارش نے پاکستان کیخلاف میچ میں اپنی سالگرہ کے دن سنچری بنائی تھی۔
.jpg)
