لاہور میں سیاسی کشیدگی نے پاکستان سپر لیگ (پی ایس ایل) کے منتظمین کو بھی پریشانی میں متبلا کردیا۔
١٥ مارچ ٢٠٢٣
پاکستان کرکٹ بورڈ (پی سی بی) کے حکام پروگرام کے مطابق آج لاہور قلندرز اور ملتان سلطانز کی ٹیموں کے مابین اہم شیڈول میچ کروانے کے لئے پُرعزم ہیں جبکہ گزشتہ روز لاہور قلندرز، ملتان سلطانز، پشاور زلمی اور اسلام آباد یونائٹیڈ کی ٹیموں کے شیڈول پریکٹس سیشن منسوخ کردیے گئے تھے۔
مال روڈ کے نجی ہوٹل میں قیام پذیر ٹیموں نے جس روٹ سے اسٹیڈیم کی طرف مڑنا ہے، یہ وہی راستہ ہے جہاں اس وقت پولیس پی ٹی آئی کے کارکنان کو منتشر کرنے کے لئے موجود ہے۔
پاکستان کرکٹ بورڈ کے ذرائع کے مطابق اس وقت حالات کا جائزہ لیا جارہا ہے تاہم سیکیورٹی کلیئرنس کے بعد ہی ٹیموں کی اسٹیڈیم روانگی ممکن ہوسکے گی۔
دوسری جانب لاہور قلندرز اور ملتان سلطانز کی ٹیموں کے درمیان میچ آج شام 7 بجے شیڈول ہے۔
واضح رہے کہ پاکستان تحریک انصاف (پی ٹی آئی) کے چیئرمین عمران خان کی گرفتاری کے لئے پولیس اور رینجرز کی بھاری نفری زمان پارک کے باہر موجود ہے جبکہ پی ٹی آئی کے کارکنان یہ گرفتاری رکوانے کے لیے شہر بھر میں احتجاج کررہے ہیں۔
.jpg)
