آئی سی سی کی جانب سے مارلن سیموئلز پر 2008 میں بھی ہر فارمیٹ کی کرکٹ کھیلنے پر 2 سال کی پابندی لگائی گئی تھی۔
٢٤ نومبر ٢٠٢٣
اٹرنیشنل کرکٹ کونسل ( آئی سی سی) کی جانب سے ویسٹ انڈیز ٹیم کے سابق کپتان مارلن سیموئلز کو ایمریٹس کرکٹ بورڈ (ای سی بی) کے انسداد بدعنوانی کوڈ کی خلاف ورزی کا مرتکب پائے جانے کے بعد 6 سال کی پابندی عائد کر دی گئی ہے۔
مارلن سیموئلز کو آئی سی سی نے ای سی بی کوڈ کے تحت نامزد انسداد بدعنوانی عہدیدار کی حیثیت سے ستمبر 2021 میں مجموعی طور پر چار الزامات میں چارج کیا تھا اور پھر اس سال اگست میں ان اقدامات کا مجرم قرار دیا گیا تاہم، جمعرات کے روز انٹرنیشنل کرکٹ کونسل کی جانب سے ان پرچھ سال کی پابندی عائد کرنے کی توثیق کی گئی ہے۔
آئی سی سی کے ایچ آر اینڈ انٹیگریٹی یونٹ کے سربراہ ایلکس مارشل نے جمعرات کے روز ویسٹ انڈیز کے کھلاڑی پابندی کا اعلان کیا، جس کے بعد وہ کسی قسم کے فارمیٹ کی کرکٹ نہیں کھیل سکیں گے۔
آئی سی سی کے مطابق مارلن سیموئلز پر 4 دفعات عائد کی گئی ہیں، جن میں عدم تعاون، تاخیری حربےاستعمال کرنے، معلومات کو چھپانے اور ملنے والے تحائف چھپانے کاالزام ہے۔
یاد رہے کہ مارلن سیموئلز پر 2008 میں بھی 2 سال کی پابندی لگائی گئی تھی۔
آئی سی سی کے مطابق مارلن سیموئلز نے تقریباً دو دہائیوں تک بین الاقوامی کرکٹ کھیلی، جس کے دوران انہوں نے انسداد بدعنوانی کے متعدد سیشنز میں حصہ لیا اور وہ بخوبی جانتے تھے کہ انسداد بدعنوانی کوڈز کے تحت ان کی ذمہ داریاں کیا ہیں۔
یاد رہے کہ سیموئلز نے 18 سال کے عرصے میں ویسٹ انڈیز کے لیے 300 سے زیادہ میچز کھیلے اور مجموعی طور پر 17 سنچریاں اسکور کیں جبکہ انہوں نے ون ڈے ٹیم کی قیادت بھی کی۔ انہوں نے آئی سی سی ٹی ٹوئنٹی ورلڈ کپ کے 2012 اور 2016 کے ایڈیشنز کے فائنل میں سب سے زیادہ اسکور کیا اور ٹائٹلز کے حصول میں اہم کردار اداکیا تھا۔
.jpg)
