ماشااللہ! عثمان خواجہ کی تصویر پر ڈیوڈ وارنر کا جواب

ایشز سیریز کے پہلے ٹیسٹ میں انگلینڈ کے خلاف فتح حاصل کرنے کے بعد عثمان خواجہ نے انسٹاگرام پر ڈیوڈ وارنر کے ساتھ ایک تصویر اپ لوڈ کی، جس میں ایشز کے پہلے ٹیسٹ کو زبردست قراردیاگیا۔  

ڈیوڈ وارنر نے اپنی انسٹاگرام اسٹوری پر اس تصویر کا ذکر کرتے ہوئے لکھا، ’’ماشااللہ۔‘‘

ایجبسٹن میں آسٹریلوی بلے باز عثمان خواجہ نے صبر وتحمل کے ساتھ کریز پر تقریباً 800 منٹ گزارے، اس کا صلہ انہیں اس وقت ملا جب انہوں نے دو اننگز میں بالترتیب 141 اور 65 رنز بنائے، انہیں مین آف دی میچ کا ایوارڈ ملا کیونکہ آسٹریلیا نے سیریز میں 1-0 کی برتری حاصل کی۔

آسٹریلیا کے 36 سالہ کھلاڑی نے اعتراف کیا کہ یہ بعض اوقات 'ذہنی کشمکش' تھی جب وہ گیئرز شفٹ کرنا چاہتے تھے اور اپنے شاٹس کھیل کر اسکورنگ کی شرح کو تیز کرنا چاہتے تھے لیکن نچلے آرڈر پر دباؤ ڈالنے سے بچنے کے لیے وہ بیٹنگ کے دوران جارحانہ انداز اپنانے سے محتاط رہے۔

فتح کے بعد عثمان خواجہ نے اپنے انسٹاگرام اکائونٹ پر ڈیوڈ وارنر کے ساتھ ایک تصویر اپ لوڈ کی جس کے کیپشن کے ساتھ لکھا، واہ کیا زبردست کھیل تھا،ایشز ایک کلاسک۔

ڈیوڈ وارنر نے اپنی انسٹاگرام اسٹوری پر اس تصویر کا ذکر کرتے ہوئے لکھا، ’’ماشااللہ۔‘‘