فاسٹ بولر میر حمزہ نے نیوزی لینڈ کے خلاف قومی ٹیسٹ اسکواڈ میں اپنا نام نہ آنے کے بعد صبر کی تلقین پر مبنی قرآنی آیت شیئر کر دی۔
٢٢ دسمبر ٢٠٢٢
سماجی رابطے کی ویب سائٹ ٹوئٹر پر میر حمزہ کی جانب سے شیئر کی گئی قرآنی آیت کا ترجمہ یہ ہے کہ ’اور یہ حقیقت ہے کہ جو صبر سے کام لے، اور درگزر کر جائے تو یہ بڑی ہمت کی بات ہے‘۔
فاسٹ بولر میر حمزہ کے ٹوئٹ کے بعد صارفین کی جانب سے انہیں حوصلہ دیا جا رہا ہے اور صبر کی تلقین کی جا رہی ہے۔
واضح رہے کہ گزشتہ روز نیوزی لینڈ کے خلاف ٹیسٹ سیریز کے لیے پاکستانی اسکواڈ کا اعلان کیا گیا تھا۔
قومی اسکواڈ میں تجربہ کار فاسٹ بولر حسن علی کی واپسی ہوئی ہے جبکہ کامران غلام کو بھی اسکواڈ میں شامل کیاگیا ہے۔
انگلینڈ کے خلاف سیریز میں ڈیبیو کرنے والے محمد علی کے ساتھ ساتھ فہیم اشرف بھی 16 رکنی اسکواڈ کا حصہ نہیں ہوں گے۔
پاکستانی ٹیسٹ اسکواڈ میں بابر اعظم (کپتان)، عبداللّٰہ شفیق، ابرار احمد، حسن علی، امام الحق، کامران غلام، محمد نواز، محمد رضوان، شان مسعود اور وسیم جونیئر شامل ہیں۔
نسیم شاہ، نعمان علی، سرفراز احمد، سلمان آغا، سعود شکیل اور زاہد محمود بھی ٹیم کا حصہ ہیں۔
.jpg)
