قومی ٹیم کے سابق کپتان مصباح الحق نے فاسٹ بولر محمد عامر کی پریشر کو سنبھالنے اور میچ کا پانسہ پلٹنے کی صلاحیت پر زور دیا۔
١٦ مئی ٢٠٢٤
قومی ٹیم کے سابق کپتان مصباح الحق نے ٹی 20 ورلڈ کپ 2024 میں اہم کردار کے لیے محمد عامر کی حمایت کرتے ہوئے گرین شرٹس کے پلیئنگ اسکواڈ میں عامر کی واپسی پر تعریف کی ہے۔ قومی ٹیم کے سابق کپتان نے فاسٹ بولر محمد عامر کی پریشر کو سنبھالنے اور میچ کا پانسہ پلٹنے کی صلاحیت پر زور دیا، خاص طور پر بھارت جیسے مضبوط مخالفین کے خلاف ہائی اسٹیک مقابلوں میں جب ٹیم پر بلے بازوں کا پریشر ہو تو ایسے میں عامر جیسے بولر کمال دکھاتے ہیں۔
پاکستان کی 2017 کی چیمپئنز ٹرافی کی فتح کے دوران عامر کی کارکردگی کا ذکر کرتے ہوئے، سابق کپتان مصباح الحق نے ان کی رفتار، سوئنگ اور زپ میں کمی کا حوالہ دیتے ہوئے عامر کی بولنگ کی حرکیات میں تبدیلی کو نوٹ کیا۔ تاہم، انہوں نے اس بات پر زور دیا کہ عامر نے گزشتہ برسوں کے دوران حاصل ہونے والے قیمتی تجربے سے اس طرح کام نہیں لیا جیسے انہیں لینا چاہئیے تھا۔
اسٹار اسپورٹس پریس روم میں بات چیت کرتے ہوئے مصباح الحق نے ریمارکس دیے کہ آخری بار2017 کی چیمپئنز ٹرافی میں اس عامر اور آج کے عامر میں کافی فرق ہے۔ اس وقت، اس کی بولنگ میں زیادہ رفتار، زیادہ سوئنگ، زیادہ زپ تھی۔ لیکن اب شاید یہ عوامل قدرے کم ہو گئے ہوں، لیکن ایک فائدہ ہے کہ وہ جانتا ہے اس کے پاس بہت بڑا تجربہ ہے اور تجربے ک اکوئی نعم البدل نہیں ہوتا۔،،
مصباح الحق نے ڈیتھ بولر کے طور پر عامر کی مہارت کو اجاگر کیا، دباؤ کا سامنا کرتے ہوئے اپنی پرفارمنس کو برقرار رکھنے اور پیسر کی میچ کے دوران مختلف حالتوں کو مؤثر طریقے سے استعمال کرنے کی صلاحیت پر زور دیا۔
ان کا کہنا تھا کہ ڈیتھ باؤلر کے طور پر اس کا تجربہ، دباؤ میں بولنگ کیسے کی جائے اور مختلف حالتوں کا استعمال کیا جائے۔ یہ عوامل اس بار عامر کی قوت میں ایک اہم اثاثہ ثابت ہوں گے۔ مصباح نے مزید کہا کہ شاید وہ نئی گیند کے ساتھ اتنا موثر نہ ہو، لیکن ڈیتھ اوورز میں وہ اپنی کم رفتار گیندوں اور مہارت کے ساتھ اہم ثابت ہوں گے۔،،
مزید برآں، مصباح الحق نے عامر کی دباؤ کو سنبھالنے کی صلاحیت پر زور دیا، خاص طور پر بھارت جیسے مضبوط مخالفین کے خلاف ہائی اسٹیک مقابلوں میں جہاں بولر گھبرا جاتے ہیں مگر عامر میچ کا پانسہ پلٹنا جانتے ہیں۔
مصبا الحق کا کہنا تھا کہ آخر میں، دباؤ سے نمٹنے کا اہم عنصر آتا ہے۔ بڑے کھیلوں میں، جہاں آپ پہلے بڑی ٹیموں کا سامنا کر چکے ہیں اور گیمز جیت چکے ہیں، وہاں ہندوستان کا سامنا کرتے ہوئے میں سمجھتا ہوں کہ ایسے بڑے مقابلوں کے لیے عامر اہم کردار کرتے نظر آئیں گے۔
