سابق کوچ مکی آرتھر کو تقریباً20 ہزار ڈالر ماہانہ ملتے تھے
٠٥ ستمبر ٢٠١٩
PHOTO COURTESY: PCB
کراچی: پی سی بی نے گوکہ نئے ہیڈکوچ اور چیف سلیکٹر مصباح الحق کے معاوضے کا اعلان نہیں کیا البتہ سی ای او وسیم خان نے یہ ضرور کہا کہ انھیں سابق کوچ مکی آرتھر کے برابر رقم دی جائے گی۔
سابق کوچ مکی آرتھر کو تقریباً20 ہزار ڈالر ماہانہ ملتے تھے،اس لحاظ سے مصباح کی تنخواہ32لاکھ روپے سے زائد ہوئی البتہ بورڈ نے اس کی تصدیق سے گریزکیا۔
دلچسپ بات یہ ہے کہ مصباح نے اس سے قبل انڈر19ٹیم کا کوچ بننے کی پیشکش ٹھکرا دی تھی، پی سی بی نے یونس خان کو 15لاکھ روپے دینے سے انکار کرتے ہوئے 11 لاکھ پر اصرار کیا جس کی وجہ سے معاہدہ نہیں ہو سکا تھا، دوسری جانب مصباح کو سالانہ تقریباً 4 کروڑ روپے دینے پر بھی آمادگی ظاہر کر دی ہے۔
واضح رہے کہ سی ای او وسیم خان اور ڈائریکٹر میڈیا کو بھی ریکارڈ تنخواہوں پر ملازمت دی گئی ہے، یوں اخراجات میں کمی کے دعوے غلط ثابت ہوگئے ہیں۔
.jpg)
