کراچی: فاسٹ بالر محمد حسنین نے اپنے بولنگ ایکشن کو جلد درست کرنے کا عزم ظاہر کیا ہے۔
١١ فروری ٢٠٢٢
محمد حسنین کے بالنگ ایکشن پر آسٹریلیا میں بگ بیش میچز کے دوران شکوک ظاہر کیے گئے تھے، بعد میں لیب میں بھی مختلف ڈلیوریز کے دوران بازو کا خم 15 ڈگری سے زیادہ پایا گیا، جس کی وجہ سے پی سی بی نے انہیں ایچ بی ایل پی ایس ایل میں بولنگ سے روک دیا۔
کوئٹہ گلیڈی ایٹرز کی جانب سے ریلیز کی گئی ویڈیو میں محمد حسنین نے کہاہے کہ مجھے اپنے بولنگ ایکشن کے غیرقانونی ہونے کی کوئی توقع نہیں تھی، میں نے ویڈیوز کا بھی جائزہ لیا، میں پاکستان آیا تو ایکشن کی جانچ ہوئی اور لیگ میں بولنگ سے روک دیا گیا۔
انہوں نے کہا کہ یہ وقت میرے لیے بہت ہی مشکل ہے، میں اپنی ٹیم چھوڑ کر جارہا ہوں مگر جلد ہی خامیاں دور کرکے واپس لوٹوں گا، آپ جلد ہی ایک مختلف حسنین کو دیکھیں گے۔
.jpg)
