دبئی: پاکستان کے وکٹ کیپر بلے باز محمد رضوان کو ایک اور اعزاز مل گیا، انہوں نے آئی سی سی پلیئر آف دی منتھ کا ایوارڈ جیت لیا۔
١٠ اکتوبر ٢٠٢٢
محمد رضوان کے ساتھ بھارت کے اکثر پٹیل اور آسٹریلیا کے کمیرون گرین کی بھی آئی سی سی کی اس کیٹگری میں نامزدگی ہوئی تھی، تاہم جیت محمد رضوان کا مقدر بنی۔ محمد رضوان نے ایوارڈ جیتنے پر خوشی کا اظہار کرتے ہوئے اسے پاکستان کے سیلاب متاثرین کےنام کیا ہے۔
آئی سی سی ٹی ٹوئنٹی فارمیٹ کے نمبرون بیٹر نے کہا کہ ساتھی کھلاڑیوں کا ممنون ہوں جنہوں نے چیزوں کو آسان بنایا۔ ایوارڈ پانے سے اعتماد میں مزید اضافہ ہوگا، اللہ کا شکر ادا کرتا ہوں کہ وہ عزت سے نواز رہا ہے، کوشش کروں گا کہ ورلڈ کپ میں بھی اپنی کارکردگی کا تسلسل جاری رکھوں۔
پلیئر آف دا منتھ کی ویمن کیٹگری میں آئی سی سی کی جانب سے بھارت کی ہرمن پریت کور کو پلیئر آف دی منتھ قرار دیا گیا ہے۔
.jpg)
