چیئرمین پی سی بی کی تعیناتی کا اختیار بطور پیٹرن انچیف صرف منتخب وزیراعظم کے پاس ہے، درخواست گزار کا موقف
٠٨ مارچ ٢٠٢٤
اسلام آباد ہائی کورٹ نے محسن نقوی کی بطور چیئرمین پی سی بی تعیناتی کے خلاف درخواست قابل سماعت قرار دیتے ہوئے وفاق، وزیر اعظم آفس،کابینہ ڈویژن اور وزارت بین الصوبائی رابطہ سمیت دیگر فریقین کو نوٹس جاری کر دیے۔
ایکسپریس نیوز کے مطابق اسلام آباد ہائی کورٹ کے چیف جسٹس عامر فاروق نے درخواست گزار شہری محمد میثم کی درخواست پر سماعت کا تحریری حکم نامہ جاری کر دیا۔
عدالت نے گزشتہ روز سماعت کے بعد درخواست کے قابل سماعت ہونے پر فیصلہ محفوظ کر لیا تھا۔ درخواست گزار کا موقف تھا کہ آئین کے مطابق منتخب اور نگراں وزیراعظم میں فرق ہے۔
نگراں وزیراعظم پاکستان کرکٹ بورڈ کا پیٹرن انچیف نہیں ہوسکتا۔ چیئرمین پی سی بی کی تعیناتی کا اختیار بطور پیٹرن انچیف صرف منتخب وزیراعظم کے پاس ہے۔ عدالت نے تمام فریقین کو نوٹس جاری کرتے ہوئے اس بارے میں تفصیلی جواب طلب کر لیا ہے۔
.jpg)
