سابق انگلش کرکٹرایلیکس ہارٹلے ملتان سلطانز کی اسسٹنٹ اسپن بولنگ کوچ مقرر۔
٢٣ اکتوبر ٢٠٢٣
پاکستان سپر لیگ (پی ایس ایل) کی معروف فرنچائز ملتان سلطانز نے ایک اور غیر ملکی خاتون کوچ کی خدمات حاصل کرلیں۔ سماجی رابطے کی ویب سائٹ ٹوئٹر (ایکس) پر فرنچائز نے مداحوں کو آگاہ کیا کہ انہوں نے انگلینڈ کی سابق کرکٹر ایلیکس ہارٹلےکو اسسٹنٹ اسپن بولنگ کوچ مقرر کردیا ہے۔
ایلیکس ہارٹلے نے انگلش ٹیم کی نمائندگی کرتے ہوئے 28 ون ڈے اور 4 ٹی20 مقابلوں میں شرکت کررکھی ہے۔
اس سے قبل ملتان سلطانز نے سابق آئرش خاتون کرکٹر کیتھرین ڈالٹن کو فاسٹ بولنگ کوچ مقرر کیا تھا۔
کیتھرین ڈالٹن انگلش کرکٹ بورڈ (ای سی بی) سے ایڈوانس لیول تھری سرٹیفائیڈ کوچ ہیں، آئرلینڈ کی قومی ویمن ٹیم کے لئے انہوں نے 4 ون ڈے اور 4 ٹی20 میچز کھیل رکھے ہیں۔
دوسری جانب فرنچائز نے ثقلین مشتاق کو اسپن بولنگ کوچ اور ٹیم مینٹور مقرر کرنے کا اعلان بھی کیا ہے۔
.jpg)
