مسلمان تمام مذاہب کااحترام کرتے ہیں اوردوسروں سے بھی یہی چاہتےہیں، محمدرضوان
قرآن مجید صرف مسلمانوں کے لیے نہیں بلکہ دنیا بھر میں بسنے والے سارے انسانوں کی رہنمائی کا ذریعہ ہے۔
اشاعت کردہ : ویب ڈیسک کراچی سے
١١ جولائی ٢٠٢٣
قومی کرکٹ ٹیم کے وکٹ کیپر بیٹر محمد رضوان نے کہا ہے کہ ہم ہر مذہب اور تمام مقدس کتابوں کا احترام کرتے ہیں اور دوسروں سے بھی اسی کی امید رکھتے ہیں۔
سویڈن میں قرآن پاک کی بے حرمتی کے واقعے پر محمد رضوان نے مذہبی رواداری اور باہمی احترام پر زور دیتے ہوئے کہا کہ قرآن مجید صرف مسلمانوں کے لیے نہیں بلکہ دنیا بھر میں بسنے والے سارے انسانوں کی رہنمائی اور بھلائی کا ذریعہ ہے۔ انہوں نے کہا کہ قرآن مجید اللہ سبحان وتعالیٰ کی طرف سے پوری انسانیت کے لیے نورِ ہدایت کا سب سے بڑا سرچشمہ ہے اور ہر مسلمان نے اس کی آیات کو اپنے دلوں میں محفوظ کررکھا ہے‘۔
انہوں نے کہا کہ قرآن پاک کی بے حرمتی کے بارے میں کوئی سوچ بھی نہیں سکتا، ہم ہر اس مذہب کا احترام کرتے ہیں جو دنیا میں انسانوں کی رہنمائی کے لئے آیا اور ہم دنیا کے دیگر تمام لوگوں سے بھی اسلام اور قرآن کے احترام کی درخواست کرتے ہیں۔
.jpg)
