نئے چیرمین کی آمد سے بورڈ کے دیگر اعلیٰ عہدوں پر بھی اکھاڑ پچھاڑ متوقع ہے، ذرائع
٢٠ جون ٢٠٢٣
پاکستان کرکٹ بورڈ (پی سی بی) میں بڑی تبدیلیوں کی پیش نظر ملازمین میں ایک بار پھر بےچینی کی لہر ڈور گئی ہے۔
مینجمنٹ کمیٹی کے سربراہ نجم سیٹھی کی جانب سے بورڈ الیکشن میں دستبرداری کے اعلان کے بعد ذکاء اشرف کا چیئرمین پی سی بی کے طور پر تقرر یقینی نظر آرہا ہے جس کے بعد دیگر اعلیٰ عہدوں پر بھی اکھاڑ پچھاڑ متوقع ہے۔
وزیراعظم اور پی سی بی کے پیٹرن چیف شہباز شریف کی طرف سے ذکاء اشرف کی نامزدگی کا نوٹیفکیشن آج جاری کردیا گیا ہے، پی سی بی چیئرمین شپ کے معاملے پر اس وقت بڑا بریک تھرو سامنے آیا، جب نجم سیٹھی نے سوشل میڈیا پر پی سی بی کے الیکشن سے دستبردار ہونے کا اعلان کیا۔
سماجی رابطے کی ویب سائٹ ٹوئٹر پر مینجمنٹ کمیٹی کے سربراہ نجم سیٹھی نے ٹوئٹ کرتے ہوئے لکھا کہ سابق صدر آصف زرداری اور موجودہ وزیراعظم شہباز شریف کے درمیان وجہ تنازع نہیں بننا چاہتا اور یہ عدم استحکام بورڈ کے لیے اچھا نہیں ہوگا۔
.jpg)
